Pastor Sui Maung nih Rev. Rual Uk ati Ning Biafang Kha cu Ninghngal Asi

Debate a zankhatnak adonghnak tlangkom/siaherh biachim lio ah saya Sui Maung nih Rev.Rual Uk a ti ning biafang hman ning ruah ah pastor pakhat asimi nih Laimi Pathian riantuantu hna lak hmanh ah bochan mi le kumkhua zongah tar a si cang mi warning pek bantuk phunphai a ti mi kha cu NINGHNGAL pakhat asi. Rev.Rual Uk nih Pathian rian atuan kum hmanh khi saya Sui Maung kum nakin a tam deuh mi asi.

Cubantuk minung upa, Pathian riantuan cuahmah mi hna upat lo ngai le raltha ngai phunphai in “Dr.Rual Uk khi challenge tuah ka duh, kan sawm lengmang ko nain a duh lo, a duhnak ahcun a lang peng fawn ko. Cun, meithal cawknak ah cheuhra cheukhat hmanlo dingin achim mi zong ngol cang seh” tiin a vun auhnawh mi kha cu pastor pakhat dirhmun in aa dawhcah lo ngaingai.

Rev.Rual Uk cu Oneness doctrine a soisel peng ruangah pumpak in huatnak/remlonak phunphai a um ko zongah kumkhua tal tihzah upat piak ding asi. Cu I, mipi theih in mah bantuk bia hna kha pastor pakhat nih chim ding ahcun a tenau tuk. UFC fighters pawl nih Octagon cung in mi challenge an tuahmi hna biafang hman ning le style bak asi. ‘

thawngpang dang relchap : Hakha Biaceih Zung Nih Nu Pakhat Telh In Minung 9 Cu Kum 5 Thong Thlak Ding In Bia An Khiah!

Hakha Biaceih Zung Nih Nu Pakhat Telh In Minung 9 Cu Kum 5 Thong Thlak Ding In Bia An Khiah!: Chin ramkulh, Hakha biaceih zung nih nu pakhat telh in minung 9 cu sual tuahnak upadi in thong an thlak hna, tiah CHRO sin in theih a si. Minung 9 hna cu Hakha palik camp in palik bawi chang Ṭin Kyaw nih taza a cuai hna i, a luancia July 29 ah minung 8 cu sualtuah dohnak upadi Section 51 in kum 5 thong thlak ding in bia an khiah piak hna. A dang pakhat cu Section 52 in kum 3 thong thlak ding in bia an khiah, tiah CHRO ṭuanvo ngeitu nih a chim.

“Annih hi Febuary le March thla ah an tlaihmi hna an si. Atu hi cun thla 5 a tling cang lai. An tlaihmi hna hi tualchung mi an tam deuh. An phone ah lunghrinhmi hmanthlak an hmuh i, CDF he pehtlaihnak nan ngei tiah an tlaihmi hna an tam deuh,” tiah a chimchap.

“Hi dohthlennak hi a tam deuh cu mino lawngte an si caah SAC nih mizei poh ka ral an si tiah a hmuh hna. Cuchungah mino an hmuh hna ahcun an tlaih hna. Tualchung mi sawhsawh hi cu ṭha tein an kan chawnh awk a si. A dik lo in thongthlak le biakhiahnak an tuah ding a si lo,” tiah CHRO ṭuanvo ngeitu nih an chim.

Kum 5 thong thlak ding in bia khiahpiak mi chung ah nu pakhat aa tel ve. Anih hi Kalay thonginn ah an kuat lai, tiah theih a si. Atu ah SAC ralkap nih Hakha ah an tlaihmi hna hi 30 hrawng an tang rih, tiah theih a si. SAC ralkap nih sualnak ngei lo mipi kahdoh, innlo hrawh piak le khangh piak ti bantuk an tuahmi vialte hi ralkap sualnak nganpi a si, tiah CHRO nih an langhter. Credit : The Chin Post

Be the first to comment

Leave a Reply

Your email address will not be published.


*