Pale, YeTarShi Le Myiang Kahdohnak Ah SAC Ralkap 10 An Thi,

Pale, YeTarShi Le Myiang Kahdohnak Ah SAC Ralkap 10 An Thi, Sagaing ramṭhen, Pale peng KanKyi khua pawng ah SAC ralkap le PDF Black Leopard phu cu July 2 zinglei ah kahdohnak a chuak i SAC ralkap 7 an thi, tiah PDF nih an chim.

July 2 zing sml 9:00 hrawng ah KanKyi khua pawng in kahdohnak a chuak i tualchung mi an zam dih, tiah theih a si. “Pale khua in KanKyi khua lei ah meithal an kah i SAC ralkap 90 hrawng an ra. Kan khua le pawngkam khuate hna cu kan zam dih,” tiah KanKyi khuami pakhat nih a chim.

“Meithal an kah thluamah mi hi mizapi nih ṭih hna seh tiah an tinak a si. Cucaah rianrang tein kan bawh hna i bomb in kan puahhnawh hna. Hmun hnih ah kan puah i SAC ralkap 7 an thi,” tiah Black Leopard phu in ṭuanvo ngeitu Ko Oh Kar nih a chim.

Cu pinah Pago ramṭhen, YeTarShi(ရေတာရှည်) peng YeTarShi khua ni chuahlei lam a hnulei ah sentari cawngmi SAC ralkap 3 cu, bomb kan puahhnawh hna i, an pathum ning tein an thi, tiah YeTarShi peng PDF nih an chim.

ThanTaung(သံတောင်) nichuah lei hmunram i Chairman hlun Ko Kyi hruainak in ThanTaung nichuah lei hriamtlai(NTDF), Naypyitaw Battalion 801(NPT 8001 le YeTarShi PDF(YPDF) hna nih sentari cawngmi ralkap 3 cu, bomb in an puahhnawh hna, tiah theih a si.

Cun, Magway ramṭhen, Myiang peng WatPauk(ဝက်ပုတ်) khua a hnulei in rallam a sialmi SAC ralkap pawl cu, June 30 ah Myiang peng PDF le tualchung PDF i bawm in kuter bomb in an puahhnawh hna caah SAC ralkap 1 a thi. PDF camp pahnih an hrawh ve, tiah theih a si. Credit : The Chin Post

Be the first to comment

Leave a Reply

Your email address will not be published.


*