Pakokko in Mindat lei ah SAC Ralkap Motor 100 Hrawng An Kai

Pakokko in Mindat lei ah SAC Ralkap Motor 100 Hrawng An Kai, Magway ramṭhen, Pakokko in Chin ramkulh Mindat-Matupi lei ah SAC ralkap motor 100 hrawng cu nihin July 17, zinglei suimilam 9:00 hrawng in an kai tiah CDF-Mindat nih cathanh an chuah.

SAC ralkap motor ruun cu mu-ka an khuhdih caah zeidah an phurh hngalh si lo. Motor chungah cun nu zong an cuang i eiding le hriamthil an phurh lai tiah zumh a si. Hmanthlak-Ahlun

thawngpang dang relchap : Ayayawady Tiva Ah Ngatlai Pa SAC Ralkap Nih An Kahthah

Sagaing ramțhen Kata peng Ayayawady tiva ah nga a tlai mi pa cu security a la mi SAC ralkap nih July 15 zaan Sml 10:00 hrawng ah an kah thah tiah tualchung mi sin in theih a si.” Zaan Sml 10:00 hrawng ah a si. Meithal thawng voi 20 tluk kan theih, a leng tu cu kan chuak ngam lo,” tiah tualchung mi pakhat nih a chim.

Tualchung mi an chim ning ahcun pa pakhat SAC ralkap nih an hmuh i tiva kam lei rat ding in an auh lio ah a tilawng in a zaam i an kahthah hi a si tiah theih a si. An kahthah mi pa cu kum 30 tluk a si mi Ko Zin Zaw Htet(ကိုဇင်ဇော်ထက်) a si i Kata No. 3 sang ah-mah-kah 3 (အမက ၃) sianginn pawng ah a um mi a si. A nupi le a fapa te a kal tak hna tiah theih a si. Credit : The Chin Post