Pakistan Ram Tilian Nih An Ram Cheu Thum Cheukhat Ti Nih A Khuh Dih Cang

Kan vawlei khua caan zoh lengmang tik ah a ngandam hrimhrim ti lo. Ram cheu khat ah ruahsur tam tuk ruang ah minung tampi an nunnak a liam hlei ah fak tuk in harsat nak an tawng.Ram cheu khat ah hin le ruahpi a sur ti lo caah khua lum tuk in an tlaicin mi vialte an thi dih I harsat nak fak tuk an tawng hoi. Tuah hin Pakistan ram cu tilian nih an ram cheu thum cheu khat cu ti nih a khuh dih cang tiah theih a si.

Pakistan ram tilian ruang ah minung 1302 an nunnak a liam cang I, minung ting tampi nih harsat nak fak tuk an tawng cuahmah. Climate change minister, Sherry Rehman nih cun kan ram cheu thum cheu  khat cu tilian nih a khuh dih cang tiah a chim.

Minung 1302 reng lo tilian ruangah a thi mi hna chung hin a tam u cu hngakchia an si lai tiah zumh asi. Washington Post nih a langhter nak ahcun Pakistan ram ah zarh 8 chung bak han lo in ruah a sur tiah a langhter.

Tuah hin Pakistan ram cu rawn I a um mi lawng hmanh si lo in tlang cung um mi tiang harsat nak fak tuk an tawng cuahmah tiah theih a si. Ni thum li chung han lo in a sur hmanh a har kan tih lio ah zarh 8 chung vun sur ko cu hei ruat hmanh zei tluk khin dek a hei har la.

Minung 1302 a thi mi hna chung ah hin hngakchia minung 416 an i tel tiah theih asi. Pakistan cu tlian nih an ram chung cheu thum cheukhat cu tilian nih a khuh dih cang. Tuah ah hin mi 33 million bak harnak an tuar.

Ram cheu kht a tilian ruang le khua kheng ruang ah harsat nak fak tuk an tawn cuahmah lio ah Ukraine, Russia ruang ah minung tampi ttah-aihram nak in an rak khat, Cu lawng hlah Min Aung Hlaing uico pa ruang ah kan kawlram zong ttah aihram nak in a khat fawn.

Be the first to comment

Leave a Reply

Your email address will not be published.


*