North Korea nih Nuclear bomb nan hman ahcun mah rawknak lam a hawlmi bantuk nan si lai tiah South Korea nih September 13 ni ah ralrin peknak bia an chim tiah theih a si.Ram hnih kahdohnak a um tikah Nuclear bomb hmannak nawl upadi a thar an ser le cangka in South Korea nih atubantukin ralrin peknak bia an chim hi a si.
Atubantukin North Korea nih upadi thar a ser mi hi amah lawngin a um mi ram pakhat a sinak a langhter lawng siloin South Korea le US kan i pehtlaihnak a fehter chin tu pakhat tu a si deuh te lai tiah South Korea ram Runvennak lei vuanci zung nih an chim tiah theih a si.
US ram sinah ralvennak kong he pehtlaiin atunak tha deuh in bawmhchanh dingah nawlnak kan tuah lai North Korea nih atubantukin ralthawhnak a chuahpi ahcun US le kanmah ram nih kan lehrulh colh lai caah anmah ram tu an hrawh bantuk a si lai” tiah tuanvo ngeitu pakhat nih a chim.North Korea ram le South Korea ram hi miphun khat an si ko nain uknak phungphai i dan ruangah ral le sa zoh in ai zoh mi ram pahnih an si.Thawng dang rel chap rih >>
Bangladesh ramah Rohingya ralzam camp ah ralzam minung nuaikhat renglo caan saupi an ummi hi, humhimnak le daihnak lei hoihin tih a nung ngai mi a si, chawleh chawhrawlnak lei ah siseh pawngkam humhimnak caah siseh tih nung ngaimi a si tiah, Indo Pacific ram ralbawi hna meeting ah Prime Minister Shafiuddin Ahmed nih cun a chim.
Indo Pacific ram ralkap meeting cu, US nih telpi in Bangladesh ramah an tuah i, meeting ah a telmi ram hna nih cun, kokek in a chuak mi harsaknak tawlrel ning, ramri lonh sualnak tuahmi, runvennak lei le nu hna thilti khawhnak thanchoter ding kong an i ceih hna i, Bangladesh nih Rohingya ralzam kong a ceih pi ve hna tiah, theih a si.
US, Canada, Australia, Japan, Indonesia, India, China le meeting ah a tel vemi palai hna nih cun, Rohingya ralzam hna cu an mit in hmuh i an harnak theih piak an duh caah an mah pumpak in Ralzam camp ah an kal lai tiah, Bangladesh Ralbawi General S.M. Shafiuddin Ahmed nih cun a chim.Crd the chin post
Leave a Reply