Ngaphe Peng Ah Chin Nu Pahnih An Ruak In Hmuh An Si. Magway ramṭhen, Ngaphe(ငဖဲ) peng Bungbaw(ဘုံဘော) khua ummi Mai Nawn Par Hla(kum 14) le Mai Shwe Zin Yi(kum 21) cu October 6, zaan suimilam 8:00 hrawng ah Goatgyi(ဂုတ်ကြီး) khua in Bungbaw(ဘုံဘော) khua an kir lei lampi ah an rak tlau.
October 9, ah Maylat khua thlanglei meng 8 tluk a hlatnak hmun ah cu nu pahnih hna cu an hngawng le an ṭang nam hliamhnak hma he an ruak in hmuh an si. Chungkhar nih an chimning ah nunnak liammi nu pahnih lakah Mai Nawn Par Hla(kum 14) cu tang 7 a cawnglio mi a si i, a ngandamnak a ṭhatlo caah sii ai thlopmi a si. Cun Mai Shwe Zin Yi(kum 21) cu khuachung ngakchia ca chimtu tualleng sayamah pakhat a si tiah theih a si.
An pahnih in khuami nih dawtmi le hawikom tha ngeimi an si caah, mi he i remlo in ral a ngeimi an si lo tiah chungkhar lei nih an chim. Nu pahnih thah an tonnak kong ah mizei kut in dah an nunnak a liam theih a si rihlo. Credit : The Chin Post
Leave a Reply