Na Miphun Hawi Nih Cun Minthatnak Le Upat Nak An In Pek Hi Mu Ka Dawt

Amah le keimah hi kan um nak khuapi zong a rak i khat bantuk in, amah le kei hi kan hngakchia tein sianginn zong a rak kai ti peng mi kan si. Kan hngakchia tein kan kal ka um ti peng mi kan si pinah kum 2018 ah khan kan pahnih tein tangrhra zong kan rak awng ti. Kanmah pahnih cu kan duh mi zong a lo i, kan sining zong ai khat cucaah University pakhat ah hmunkhat tein kan kai ti lai tian kan ti i, cu ti cun University sianginn pakhat kan rak kai. University second year kan thok bakah khan, ka chanchung ah ka philh kho lai loh.

Cucu zeidah asi kan ti asi ahcun sianginn khan chung kan rak thut ti tawnnak thutdenh cung kan thut lio bak ah keimah kha… “Kan duh tuk a rak ka ti” hi hi ka chanchung ka phlih kho lai loh. A rak ka ti rih mi cu kei hi hawi komhnak dirhmun nak in a sang mi darling dirhmun in ka cohlang ko mu tiah a rak ka ti. A tu bantuk in duhnak bia ka sinah a rak chim mi hi cu ka khuaruah a har loh. A ruang cu kei nih cun ka rak thei diam cang a luan cia mi thlathum hrawngah khan a rak ka zoh ning kha a dik ti loh. Hawi komh kan si nak mithmai si ti lo in hawikom kan sinak sang in a rak ka zoh ziar kha ka rak theih tuk cang.

Zeiruangah ka asi ahcun amah le keimah cu kan hngakchia tein a rak um ti tawn mi kan si ruangah asi. Amah hi mitha a rak si i mi dawt zong a thiam cun midang cung zongah zangfahnak a ngei tak tak mipa pakhat asi. Amah hi thil tha lo tuah a huat taktak mi pa pakhat a rak si. Cun amah hi a mak nak pakhat cu a chim mi cungah faktein a dir mi asi i, amah kong lam hi tha taktak in ka theih mi a rak si. Amah bantuk in zungzal umti ding kai thim lo ahcun zei bantuk pa cu dah ka va thim hlei hna lai.

Keimah zong nih kan rak duh tuk asinain, nu ka si ve tikah cun zeitluk in ka rak duh ko zongah an rak chim tawn mi le an rak tuah tawn mi cu tuah ve lo cun tiah. Kei cu nu ka si bantuk in thlakhat caan rak ka pe rih tiah kan ti. Cuticun thlakhat cu a hung liam i kei le amah cu hawikom si ti loin, nungak tlangval a duh mi bak kha kan rak si cang ai. Nuam tein caan kan hmang cang lai kan ti lio bak ah ralhrang ralkap nih rampi nawl neihnak aa-naa an tiang kha a hung si. Cu tikah kan sianginn pawl zong khar dih a hung si. Kum 2021, May 5, ah khan kan i tong i a ka ti mi cu kan duh tuk i kan then kho ti loh tiah a rak ka ti.

Hi uk nak tha lo in a hman mi uk nak Kan hmuh khawh nak ding caah dothlen nak ah hin kakal i Kai thawh ve cu a hau nangmah nih le Kan then kho bak Tung loh le cucaah hmunkhat te in kal ti ko u sih tiah a ka ti hi dothlen nak teinak he Kan rak kir tik ah puai lianpi le a sunglawi tuk mi in Kan i um te lai tiah a ka ti. Cucaah keimah zong nih e ka ti le Kan pahnih tein ramtang ah PDF riantuan dingin Kan kal ve. PDF pawl he hriamnam tlai in dothlen nak a tuah ding Kan si tikah ram tang ah cun training Kan Kai. Training Kai Lio Kan si tikah Zarhkhat ah vawikhat lawng Kan i tong kho tawn.

Cun, vawikhat cu ka sin ah a ra i milem te kha a ka pek i raldoh nak ah ka va kal lai i ka rak kir than tik i ka hmuh hmasat bik mi cu nangmah rak si hrimhrim ko tiah bia a ka cah ta. Cuti cun raldoh nak an va kal tik i an rak kir cang ti thawng ka van theih i ka va kal cu auh zong ah zeihmanh a rak thei ti loh dai tein ai hngilh diam ai ne. Mi hrawkhrawl pa puai sunglawi tuk mi Kan tuahpi lai na ka ti mi cu zei hmanh lo an si ai ne kan ram le Kan miphun caah cun pasal tha na rak si nain na dawt tuk mi nafar keimah caah cun mi hlen hmanh na rak si diam mu.a poi tuk hringhran e. Kan saduh thah le Kan chunmang vialte cu mang bang in an lo dih ai ne kadawt mangtha tuk ko ne law.

Be the first to comment

Leave a Reply

Your email address will not be published.


*