Magwe ramțhen, Myiang peng nitlak lei July 5 kahdohnak ah SAC ralkap 10 an thi i mizapi vengtu ralkap pahnih an nunnak a liam ve tiah Myiang peng mizapi vengtu ralkap phu nih cathanh an chuah.
July 5 zinglei Sml 8:00 in zanlei Sml 6:40 tiang SAC ralkap le mizapi vengtu ralkap karlak ah kahdohnak chun nitlak a chuak. SAC ralkap hna cu SuWin khua kam ah kan bawh hna i kan kah hna, SAC ralkap hna nih an ruak cu kahdohnak lio ah an i la kho lo tiah Myiang Pah- Kah- Phah phu nih an chim.
Myaing Pah- Kah- Phah in ralkap 2 an nunnak a liam i pakhat hliam a tuar . Hliamhma thinphan ding um lo. SAC ralkap 10 an thi i hliam a tuarmi a tam tiah Myiang mizapi vengtu ralkap phu nih cathanh chungah an langhter.
SAC ralkap cu thazaang 80 le 100 karlak hrawng an si i SuWin khua kam ah tualchung PDF i fonh in 60mm, 80mm, 120mm, kutser hriamngan, hriamhme in kan doh hna tiah Black God Myiang phu nih an thanh. July 5 zinglei 8:00 hrawng zongah Myaing peng, ManGin Kone khua nichuaklei ah kahdohnak a chuak i minute 20 chung kaphnih kahdohnak a chuak. Credit : The Chin Post
Leave a Reply