Myanmar Ram In Sept 6 Ah Minung 146 Nih Covid Zawtnak An i Chawnh, Minung Pakhat A Thi

September 6, 2022 ah Myanmar ram in minung 146 nih Covid zawtnak an i chawnh i, minung pakhat Covid zawtnak in a nunnak a liam, Covid zawtnak i chawnhning a karh ngai, tiah SAC ralkap kuttang um ngandamnak lei vuanci zung nih cathanh an chuah.

Ngandamnak lei vuanci zung nih cathanh a chuah ning ah September thla ni 6, nikhat chung ah Myanmar ramchung Covid 19 zawtnak aa chawnhmi minung 146 an si i, cu chung ah ramchung i chawnhmi hi minung 135 le ramleng mi hna he aa chawnhmi minung 11 an um, tiah an langhter.

“Atu lio hi Covid zawtnak i chawnhning a karh ngai, ramchung i chawnhnak in minung 135 tiang a phanh caah i ralrin ngai a herh. Mask i huh, kut thiang tein ṭawl tibantuk zong a herh ngai. Cheukhat cu zawtnak a lang lo mi zong an um i, i checknak tuah lo tibantuk zong tampi a um kho. Cucaah damlonak nan ngeih a si ahcun checkhlatnak i tuah colh uh,” tiah Yangon general hospital in siibawi pakhat nih a chim.

September 5 zaan suimilam 8:00 in September 6 zaan suimilam 8:00 tiang nikhat chung ah Covid 19 zawtnak a ngei lai tiah lunghrinh mi minung 9,432 cu checknak tuah an si i, cu chung ah minung 146 sin in Covid zawtnak cu an hmuh.

September 6 tiang Myanmar ramchung ah Covid 19 zawtnak a ngei tiah fehtermi mizaw dihlak hi minung 610,000 leng an si cang, tiah SAC ralkap kuttang um ngandamnak lei vuanci zung nih an langhter.crd the chin post

Be the first to comment

Leave a Reply

Your email address will not be published.


*