Myanmar Ram Ah Uknak Laak Hnu In Ralzaam Dirhmun A Phan Mi 760,000 Fai An Um Cang!

Myanmar Ram Ah Uknak Laak Hnu In Ralzaam Dirhmun A Phan Mi 760,000 Fai An Um Cang! SAC nih uknak an laak hnu i kahdohnak ruangah mahle umnak chuahtak in ralzaam dirhmun a phan mi minung 758,000 tiang an um cang, tiah United Nations Office for the Coordination of Humanitarian Affairs (UNOCHA) nih July 7 ah an thanh.

Ram pumpi ah mahle umnak hmun chuahtak mi cu April thla ahkhan minung 566,100 an um i, May thla ah 578,200, June thla ah 758,000 tiang an um i, thla 3 chung ah minung 191,900 tiang an phan. A zaam mi hna cu kahdohnak ruang i an umnak a him ti lo ruangah a zaam mi an si, tiah an cathanh ah an langhter.

Cu lakah kahdohnak a faknak Sagaing ramáš­hen, Magwe ramáš­hen, Chin rumkulh le Kaya ramkulh hna ah cun ralzaam dirhmun a phan mi an tam khun. June thla tiang ah cazin laak khawh ning ah cun minung 758,000 cu ralzaam an si i. Myanmar ram pumpi dihlak in minung 1,000,000 leng cu ralzaam dirhmun an phan lai, tiah UNOCHA nih an cathanh ah an langhter. The Chin Post

Be the first to comment

Leave a Reply

Your email address will not be published.


*