Myaing pengah rallam sialtu pyosawhṭi le SAC ralkap bomb puahhnawh an tong, minung 3 an thi i ai hliam an tam

Magway ramṭhen Myaing peng Kyaukkhuat(ကျောက်ခွက်) khua ah rallam sialtu SAC ralkap le pyosawhṭi minung thazaang 60 hrawng cu bomb puahhnawh in kan kahdoh hna tiah Myaing peng tualchung hriamtlai phu Bo Latya nih a chim.

Nihin September 25, chun suimilam 11:34 ah bomb puahhnawh in kan doh hna, Myaing, Kani, Mintakya(မင်းတကျ), Pannuhtaw(ပန်းနုတော) khua inn khangh in rallam sialtu hna an si tiah a chim.

SAC ralkap le pyosawhṭi minung thazaang 100 hrawng cu phuhnih ah an i ṭhen, Kyaukkhuat(ကျောက်ခွက်) khua luhnak ah bomb kan puahhnawh hna, SAC ralkap 3 an thi, 8 nih hliamhma an tuar” tiah Bo Latya nih a chim.

A luancia September 21 ni zongah Myaing peng, sehzung pakhat ah mei a remhtu SAC ralkap le electric lei rianṭuantu hna cu tualchung hriamtlai phu nih bomb puahhnawh in an kahdoh hna caah SAC ralkap 5 an rak thi tiah theih a si.