!Myaing Peng Ah SAC Ralkap Nih Inn An Khangh Caah Inn 38 A Ciam;

!Myaing Peng Ah SAC Ralkap Nih Inn An Khangh Caah Inn 38 A Ciam;

11 August 2022 : Magway ramṭhen, Myaing peng thlanglei ah rallam a sialtu SAC ralkap pawl nih nizan August 10, zinglei sml 7:00 ah Paukpinkaing khua cu an khangh caah inn 38 a ciam, tiah M.V.P Revolution Force nih an thanh.

SAC ralkap pawl cu August 9 chun sml 12:00 hrawng ah Paukpinkaing khua an phan i, a thaizing August 10 ah inn an khangh i inn 38 a ciam. Khuami pathum cu lam hmuhsaktu ah an tlaih hna i, zanlei ah an thlah ṭhan hna, tiah theih a si.

Paukpinkaing kiangkap khuami hna cu a himnak hmun ah an zaam dih.
Nihin August 11 zing sml 7:00 hrawng ah Myaing peng, Pantaingtaw(ပန်းတိုင်းတော) khua an khangh ṭhan i, sml 9:30 hrawng ah Nguang khua zong an khangh chap.

Thailand Motor Lehnak Ah A Thimi Myanmar Mi Hna Chungkhar Cu Baht Sing 20 Cio An Pek Hna Lai: Thailand ram ah motor lehnak in a thimi Myanmar rianṭuantu panga chung ah pali hna chungkhar cu Baht sing 5 cio an pek hna lai, tiah Thailand um Myanmar rianṭuantu Embassy zung nih cathanh an chuah.

2022 January 20 ah khan Kanchanaburi ramkulh No. 323 lampi ah aa letmi motor pakhat cu, Tonfa Pham pengkomh in phung ning loin a rami a si i, check gate in kir ṭhan aa timh lio ah motor ngan (ke 10 ngei) nih a pah caah Myanmar rammi panga an rak thi.

A thimi pali hna chungkhar ca ah Baht sing 20 cu Embassy zung a phan cang. An chungkhar cu Thailand ah rat hau loin tangka cu an kuat hna lai, tiah theih a si.a rel tu nan cung ah kan i lawm

Be the first to comment

Leave a Reply

Your email address will not be published.


*