Muidawh Ttawktha Thin Zar Mint Kyaw Cu Ralkap Thuam He SSPP Headquarter A Phan Cang

Kawlram mintami hna lakah muidawh le pumruatha, a tawttawk zong tha taktak mi le pa mithi taktak in hmanthlak post a hmang lengmang mi Thin Zar Wint Kyaw kha tuchun July 4 ah SHAN ram thlanglei ah a ummi WamHai Headquarter ah anmah SSPP Uniform he dawh taktak in thitumnak puai a zawh tiah thawngtheih asi.

Cu thitumnak puai cu SSPP/SSA ralbawi le spokesperson asi mi Buhmukyi Sai Soe fanu pasal ngeihnak puai asi tiah zong an langhter chih. Sexy model minthang Thin Zar Wint Kyaw SSPP headquarter a rak phaknak ruang hi thitumnak puai arak zawh sawhsawh maw asi hnga, zeidang timh mi le tuah ding a ngeih caah maw asi hnga ti mi hi fiang tein theih le hngalh asi lo.

Cun Thin Zar Wint Kyaw hi amah lawng si loin a tlangval pa he an si fawn i zeidang kong ah tinhmi an ngei asi hnga maw tiah SSPP lei cu lunghring in an um pah hna. A luancia July 1 ah khan Kawl ralhrang le SSPP/SSA cu SHAN ram chaklei Moemaik pengkulh chungah chetcikcek in an rak i kap cang.

Cu hnu cun kawl ralhrang nih SSPP hmunhma leiah an thazaang an rak chap cuahmah caah kahdohnak hi a zualhma ko lai tiah ruah asi. Cu lio caan theng teah Sexy Model Thin Zar Wint Kyaw le a tlangval nih SSPP headquarter an rak tlawn hi cu tiah ralring deuh in a chimrel mi zong an um cang hna nain zeihmanh fiang tein langhter mi cu a um lo.

Be the first to comment

Leave a Reply

Your email address will not be published.


*