Mobye PDF Sin Ah SAC Ralkap Pahnih Hriamnam Loin An Lut

Mobye PDF Sin Ah SAC Ralkap Pahnih Hriamnam Loin An Lut. Kaya(Karenni) ramkulh, Mobye PDF Battalion 1001 sin ah SAC ralkap pahnih cu hriamnam loin an lut, tiah Mobye PDF sin in theih a si.
February ni 23 ah Pekhon khua ah hram a bunhmi Khah Mah Yah 336 in ralkap Kyaw Htet le Shwenyaung hrambunh Hta Pah Yah Battalion 222 in Aung Naing Oo cu Mobye PDF Battalion 1001 sin ah hriamnam loin an lut, tiah theih a si.

CDM ralkap pahnih nih, cunglei ralbawi hna nih an kan tuahto ning a fak tuk, an kan namneh. Ralram kal zongah ti le rawl khimza in an kan pe lo. Kan thlahlawh zong cunglei ralbawi hna nih an i laak dih, tiah an chim.

Tualchung mi hna cu zohchia le khenhhru in cunglei ralbawi nih that hna u an kan ti pin ah an inn le an lo hna zong khanghpiak dih ding in an kan fialmi tuah kan duh lo caah nan sin ah kan rak luh hi a si, tiah SAC ralkap pahnih nih cun an chim. Credit : The Chin Post