Mizoram Palik Nih Myanmar Mi Nu Pakhat Sinin Heroin An Tlaih!

Mizoram Palik Nih Myanmar Mi Nu Pakhat Sinin Heroin An Tlaih! Nihin September 2 Ah Champhai District, Zokhawthar Palik le 8th Assam Riffles hna nih Myanmar mi Khawmawi khua Ṭial Duh Rem(kum 40) sin in ritsi(heroin) 159 gram, international merket ah Rupees Sing 79.5 man cu Zokhawhthar, Venghnuai sang ah an tlaih. Source : Mizoram Police

thawngpang dang relchap : Thlahnih Chung Ah Kahdohnak voi 16 a Chuak I, SAC Ralkap 130 Hrawng An Thi – CNDF

Chin National Organisation(CNO) kuttang um, Chin National Defence Force(CNDF) nih a luancia July thla in August thla tiang, SAC le Chin tualchung hriamtlai phu kar kahdohnak voi 16 a chuak i, SAC ralkap 133 hrawng an thi, tiah CNO nih nizaan September 1 ah cathanh an chuah.

Chin ramkulh, Falam peng le Sagaing ramthen, Kalaymyo peng ah SAC ralkap le CNDF telh in tualchung hriamtlai phu hna kar kahdohnak a chuak. Cu kahdohnak ah cun CNDF ralkap 2 an nunnak a liam i, 5 hliam an tuar. Nunnak a liammi lakah pakhat cu SAC ralkap nih Yinpaungtain(ရင်ပေါင်တိုင်) i vanlei kahdohnak an tuah tan ah aa tel, tiah theih a si.

Kahdohnak a chuahnak hmun hna cu; Falam peng in, Tuphe(သူဖေး), Falam mengtung 10, 13, 24, Rihkhawdar le Kalay peng in Hakha-Lay le Thauhciant(ထောက်ကြန့်), Tharyarkung, Yarzagyo, Yankyiaung hna ah a tambik an i kap i, CNDF le tualchung hriamtlai phu hna an i bawm, tiah theih a si.

Magwe PDF Sakhan Kap Ding In A Kalmi SAC Ralkap cu Bomb An I Lamh Caah Ralkap 10 An Thi!: Magwe thlanglei PDF le ATHETMINHLA(အထက်မင်းလှ) PDF phufonh hna hrambunhnak sakhan cu August 30 zinglei sml 4:49 ah, luhhnawh ding in SAC ralkap hna cu an kal i, cu lio ah PDF nih bomb an puahhnawh hna i SAC ralkap 10 an thi, hliamtuar mi zong an tam, tiah Magwe-PDF nih an thanh.

SAC ralkap hna nih cun hriamngan le hriamhme hmang in voi tampi an kan kah i, kan sakhan lei panh in an rat lio ah sakhan pawng le a kiangkap i bomb kan hmanhmi cu an i lamh caah SAC ralkap 10 an thi. Cu a thimi SAC ralkap hna ruak cu an lak hna hnu ah hnu an tolh ṭhan, tiah Magwe PDF nih an thanh.

Tanintharyi Ramṭhen Htaway Kahdohnak Ah SAC Ralkap 7 Nak Tlawm Lo An Thi: Tanintharyi ramṭhen, Htaway peng Tayetngauk(သရက်ငုတ်) khua pawng ah nizan September 1 zing lei ah SAC ralkap le PDF kahdohnak a chuak i, SAC ralkap 7 nak tlawm lo an thi, tiah theih a si.

Pakaryi(ပကာရီ) khua lei ah a kalmi SAC ralkap pawl cu September 1 zing sml 10:30 hrawng in kan kah hna i, sml cheu chung hrawng kahdohnak a chuak, tiah PDF ralkap pakhat nih a chim.

SAC ralkap nih hriamngan le hriamhme he an kah ko hna nain, PDF lei a thimi le aa hliammi an um lo. Kah a tongmi SAC ralkap motor 3 cu Leikkye Pyaung(လိပ်ကြယ်ပြောင်) khua lei ah an kal, tiah tualchung mi hna nih an chim.

Htaway-Htikhi lam cung Myatta(မေတ္တာ) khua lonh ah a ummi Aiway(အိုင်ဝိုင်း) khua le a pawngkam ah a luancia August 26 ah khan SAC ralkap pawl cu Kawthu Lay ralkap pawl nih an rak kah hna caah SAC ralkap a thimi le aa hliammi an rak tam ngai, tiah theih a si. Credit : The Chin Post