Mizoram Chung in Zarhkhat Chung ah Rithaisi Bing Rupees sing 169 Man Leng Tlaih a Si

Mizoram Chung in Zarhkhat Chung ah Rithaisi Bing Rupees sing 169 Man Leng Tlaih a Si! India, Mizoram ramkulh hmunkip ah tuzarh chung lawng ah rithaisi bing 3kg a ritmi, Rupees sing 169 man leng (sing 5070 mmk leng) kan tlaih, tiah rithaisi khamtu nih cathanh an chuah.

Cun, tukum 2022 January thla in August 24 tiang bing/riathaisi hmannak ruang ah pa 22 le nu 1 an nunnak a liam, tiah theih a si. A luancia 2021 kum chung ah rithaisi hman ruang ah pa 39 le nu 8, an dihlak minung 47 an nunnak a rak liam, tiah theih a si. Tuzarh chung lawng ah Mizoram chung ah rithaisi bing a phortu Myanmar mi minung 6 tlaih an tong cang. Credit : The Chin Post

thawngpang dang relchap : Donald Trump hi ruahlo piin dantatnak fak taktak a ing kho cang tiah an ti

Donald Trump hi ruahlo piin dantatnak fak taktak a ing kho cang tiah an ti. Cu cu zeiruang ah dah asi ti ahcun FBI nih a umnak inn ah an lakmi documents pawl chung in abiapi taktak mi classified le Top Secret documents aa tel ti asi. Mah bantuk thil asimi hi zeiruang ah dah Donald Trump nih a mah pumpak inn ah aa chiah khawh, zeiruang ah dah White House ah a chiah duh lo tiah an ti cang. Democratics Party chung in 82% nih cun Donald Trump cungah dantatnak fak taktak tuah an duhnak an langhter cang.

New polling shows half of registered voters think Trump should face criminal charges for his handling of classified documents. The FBI searched Trump’s Mar-a-Lago home in August to collect boxes of government documents, some of which were classified. The Federal Bureau of Investigation raided Trump’s Florida home on August 8, taking many boxes of government documents, some of which have been deemed as classified and “top secret,” according to the Wall Street Journal

GRCM- Trump aI Chuahsualnak Tehte a Tam Chin Lengmang Cang; Tete tam u cu Republican lila sinin an si- 2020 thimnak (election) cohlan lo dingin Trump nih hrokhrawlnak a tuahmi kong he pehtlaiin, Fulton County, Ga., biaceihzung hmaika i chiatserh biakamnak tuah dingin auh an timhmi Sen. Lindsey O. Gramham (R-S.C.) nih hrial a timh, tiah theih a si.

Georgia vote pawl Trump nih a cohlan lo mi kongah Graham hi Trump nih hrokhrawl in teinak pek dingin a rak timi kong pawl phuan lo awk tha lo dirhmun ah dir dawh asi cang. A tu i Rep. governor Brain Kemp zong nih zung chuah duhlo dawh in a um. Anih zong sungh dawhdang a si. Zung hmai chuah riangmang i 2020 i Trump nih nawlngeihnak (coup) lak ai timhmi chirhkanhnak ah hman i a dironhtu (opponent) tei i timh cu Kemp nih ai tinhmi a si lo. Cu bantuk tuahsernak cu ramkhel huap in cun zoh a chia ngai ko nain, Georgia khuasa a si mi paoh zung ah chuah dingin auh an si ah cun chuah lo awk a tha te lai lo.

Zung nih an auhmi Kemp nih hrial ai tim len lo nain, Fulton County sihnih nih Kemp i a chuahpi te dingmi thawngpang kong fiangte in a langhter. “Kei cu tazacuai khawh ka si lo,” tiin Kemp nih lih in ai chimkanh.
“Trump he siseh, asiloah Trump he ai pehtlaimi pumpak minung he i chonhbiaknak na (Kemp) ngeihmi vialte hi adviser i lak hau lo tein pumpak in fenhnak na tuah khawh ko,” tiin sihni nih a chimh.

Sihni nih a chim ningah, Kemp nih chim dingmi tampi ai ngeih ko, ti a si. Georgia election hi Dem. pawl nih an fir, tiin Trump asiloah a dirkamhtu hna nih an ti mi kongah Kemp nih chim ding tampi ai ngeih ko. Amah he pehtlaihnak a tuahtu hna hi Trump minung an si le si lo kongah siseh, Trump campaign he ai pehtlaimi minung nih phone voi zeizat dah an chonh, timi kong siseh, cu ti phone an chonhnak a ruang kongah siseh, ‘nangmah Kemp hi kan timmi na si’ tiin Trump nih a ti taktak le ti taktak lo, asiloah Trump nih ‘special election’ maw asiloah a dang bomhnak a kawlhawl taktak le taktak lo kongah siseh, “election a dikfelnak (integrity)” kong an i ceihhmainak kong siseh, Trump asloah midang nih an hro maw hro lo ti mi kong siseh, Trump a lehnak kong siseh, hi vialte hi Kemp nih zung hmai a chuah tikah a chim khawh dihmi an si ko, tiin sihni nih a chim.

Cu vialte kong chim Kemp nih a zenhnak a ruang cu nan theihthiam cio theu lai dah. Asinain a zenhtu ding taktak cu amah hi a si lo. Zeizong te a sung te dingmi pa cu amah Trump hi a si. Trump le Kemp an i chonhbiak ning zoh tikah Georgia election firpiak a ton lo zia a lang. Asinain, amah zaka in phung buarter a fial, ti belte cu ai fiangmi a si. Georgia ah buan ka co khawh nakhnga, hranhram in vote ka tawlrelpiak hram ko ne, tiin Jan. 2021 i Trump nih Georgia Secretary Brad Raffensperger a fialmi kong hi Kemp a tehte khan te dingmi nih fehnhnak a tuah te lai. Cu tikah, election fir dingin Trump nih a minung nawl a pek hna, election tuanvo an lakmi timh ciammam tein hnahnawh a pek hna caah le, election fir dingin heh tiah a tukswh hna ruangah tazacuai khawhnak lam tampi a um te ding khi a si.

Pakhat a um rih mi cu, amah lehlam sualphawt ai timmi a Republican hawi pawl lila an um, timi hi Trump nih a lungre a theihpi awk a si. Trump capar federal nih a lakmi kong ko ah hin hi dirhmun hi a dir cang, ti a fian khunnak a si. US nih ai ngeihmi biathli vialte lakah a biapibikmi biathli pawl ka sinah an um ko, ti hi Trump nih ai theih kherkhuar ko, ti hi vun ruat ko hmanh. Bianabia ah, a sin ai chiahmi cozah biathli vialte cu thatein a rel dih cikcek cang hna lai va si kaw, a capar cheukhat le bang cu a biapi taktakmi cozah capar an hei si tung, tiin NY Times nih a chim.

A sihni pawl hi National Archives le FBI pawl he saupi bia an i ruah, ti a si. Cozah lei nih nawl an pek cang ko hna. A ta a si bak lo mi, cozah biathli ai telmi capar biapi pawl ai chiah huar ko mi hi ruah ngam ding hmanh khi a si lo.
White House i Trump a um lio tein khan, hi capar pawl hi zung ah chiahta viar ding an si, tiin khahlan White House counsel Pat Cipollone nih a rak ti bal. “Mah hi Trump sin a ummi capar pawl hi lak than ding an si” tiin May 2021 ah khan NA officials sinah Trump a sihni pakhat nih thawng a rak thanh bal hna.

Chim duh mi cu, Trump nih capar ai chiah peng rih mi kongah a sihni pawl an lungre a theih cang caah, capar a chiahnak cakuang pawl cozah kut ap ding in an lung a tlinnak hi a si. Hi capar pawl hi keimah ta an si, tiin Trump nih ai ham peng ko rih, ti asi. A tawinak in chim ah cun, ningcang lo piin capar pawl kai tinpi, ti hi Trump nih a fiangtuk ko, tiah amah Trump lila nih rian a khinhmi FBI director nih a chim. Mah bantuk a biapimi capar hi Trump nih a inn ah i tinpi nak nawl ai ngeih lo, tiah a sihni zong nih a chim.

A donghnak bikah cun, Georgia election kong in, Jan. 6 Capitol luhnawhnak nak tiang, cun Florida a inn i capar ai thuhnawhmi vialte zoh tikah, Trump nih chuanlam/solhphelhnak lam ai ngeihmi hi an panzai/bi chin lengmang ko cang. Phung zeiah a rel lo zia tehte pakhat hnu pakhat ai chap chin lengmang cang. Trump ralchanh in tehte chuahpi ai timmi a Republican hawi an tam chin lengmang cang fawn, tiah theih a si.