Mizoram, Siaha District ah Assam rifle nih Maraland Defense Force ralkap pahnih cu meithal kuan 20 he July 11 ah kan tlaih hna tiah Assam rifle nih an thanh. Tlaih a tongmi Maraland Defense Force ralkap 2 cu Tha Tha ( kum 20 ), Be Be (Kom 25 ) hna an si.
An mah he cun Cycle Kenbo pakhat, Phone pakhat, Myanmar tangka 11100, India taangka 650 Rs , kan tlaihchih hna tiah an langhter i Tuipang palik sakhan ah kan kuat hna tiah an langhter. Siaha District cu Mizoram ramkulh ah Mara miphun an tambik an umnak hmun , phundang cun Mara pengkomh tiah auh a ngah mi pengkomh zong a si. Credit : The Chin Post
thawngpang dang relchap : SAC ralkap Nih Sai Naing Lay Khua Hriamngan In An Kah, Khuami 1 Thi, 6 Hliam An Tuar
Sagaing ramțhen, Shwebo pengkomh, Watlat peng, SaiNaingLay ( စိုင်နိုင်ေလး)khua chungah , Nizan July 10 ah SAC ralkap nih kahdohnak zeihmanh a um lo nain hriamngan he hriamhme he an kah ruangah khuami pakhat a nunnak a liam i paruk hliam an tuar tiah khuami hna sin in theih a si.
” Hriamngan in an kan kah hramhram, a nunnak a liammi khuami pakhat cu nizan ah kan vui cang. Hliam a tuarmi 6 chungah hin an nunnak caah thinphang in a ummi 2 an um rih ” tiah khuami hna nih an chim.
July 3 zongah Watlat peng Min khua kahdohnak ah Local PDF 5, Pah – Kah- Phah – 3, khuami 2 an nunnak a liam i 4 hliam an tuar. An nunnak a liammi hna chungin 4 cu hriamnm chiahter in an tlaih hna i an kahthah hna tiah mizapi vengtu ralkap phu hna nih an langhter.
Leave a Reply