#Mitlau Kawlnak : Pu Sang Nawl A Tlau

#Mitlau Kawlnak, Pu Sang Nawl A Tlau Țaungkhaya khua mi Pu SangNawl cu Hakha a rak tlawn i a kir lei ah Bungzung le an khua( Țaungkhaya) kar ah a tlau.
Hakha a rak tlawng ta i Chiapa ( July) 23 ah Hakha in an khua lei ah a kir , Chun slm 1:00 hrawng ah Bungzung a phan ko nain Bungzung le an khua karlak ah a tlau i a tutiang a thawngpang theih a si lo caah chungkhar hna an lungre a thei.

A hmutu le thawngpang theimi nih 9259787404 ah pehtlaihnak tuah cio hna sih. Pu Sang Nawl cu nupi le fa a ngei i chungkhar cawmkengtu a si. Chinland khualipi Hakha a rak tlawn i a kir lei ah a tlau hi a si. Credit : The Chin Post

thawngpang dang relchap : Ko Jimmy Le Phyo Zeya Thaw Telin Thongtla 4 An Thah Hna Ning Ralhrang Biathli Thup An Phuan

Ralhraang ralkap nih Ko Jimmy le Phyo Zeya Thaw telin Thongtla 4 pawl an thah hna nak thawngpang cu July 25 ah khan thawngthanh nak an rak tuah cang thil sining fiang le thawngpang dik an thanh duh lo.

Asinain atu ah cun Insein thonginn chung i thongtla zohkhanh rian a tuan ve mi palik (min langhter duhlo mi) sin in thawngpang fiang le ralhrang biathli thup pawl cu a sining tein an phuan dih ko cang.

Hi kong he pehtlai in Insein thonginn palik pakhat nih cun “July 23, zarhteni zinglei suimilam 4 le minutes 15 ah khan Ko Jimmy le Phyo Zeya Thaw telin Thawngtlak 4 hna cu ralhrang nih hritlai in an thah cang hna” tiah Myanmar Now sinah a chim hi asi.

Ralhrang biaceihnak zung nih thih dantatnak a pek mi hna le tuanvo ngeitu bik hi Home Affairs Minister Lieutenant General Soe Htut asi mi amah nawlpek nak le thithruai nak in thongtla 4 kha hri in an tlai hna kha asi tiah min langhter aduh lomi palik nih cun a chim.

Thongtla 4 an thah hna hlan, cacawn ninga ni zaan thok khan Insein thonginn chung cu thil sining an thlen dih, umtu thutdir le zeidang vialte zong zulhphung an thlen dih. Ni dangah cun thongthla pawl rawl ei caan ah hin thongtla dihlak hi line in kan dir i rawl donh asi, asi nain Ko Jimmy le Phyo Zeya Thaw te an thah hna lai ah khan cun thongtla pawl cu an umnak room chung cio ah rawl pek an si cang.

Cun cacawn ninga ni zaan khan cun Insein thongin cu mei an phih dih cang i Ko Jimmy le Phyo Zeya Thaw te an thah hna nak ding room lawng hi mei ceuter asi, cun zinglei suimilam 3-4 karlak hrawngah khan thongtla tampi nih ai-hram thawng le hrum thawng an theih hna tiah min langhter aduh lomi palik nih cun achim.

Ralhrang nih an thah mi hna Ko Jimmy le Phyo Zeya Thaw te ruak cu zinglei suimilam 4: 30am hnu ah khan an kan khanghter cawlh tiah zong a chim chap. Ko Jimmy le Phyo Zeya Thaw te nih hin thahding an si mi an i theih lo, cun an chungkhar sin zongah chimh lo ding in ralhrang biaceih zung nih cun nawl an chuah i July 22 ah khan minutes 20 chung Online Video call in an chawnh ter hna.

Cu pin cu Home Affairs Minister Lieutenant General Soe Htut nih zeihmanh thawngthanh nak le thil sining phuan lo dingin nawl a chuah caah biadik hi an chim lonak asi tiah zong a langhter chih hi asi.