Mitha Lo Ralhrang Pawl Cu Pasaltha Hna Bomb An Lamh Caah Ralbawi Telh In Athi Mi An Tam Taktak

MawLeih Peng PaanThar Khuakam Ah Bomb Lamh Nak Ruangah SAC Ralbawi Pakhat Tel In A Thi Mi An Tam. Sagaing ramțhen, Mawleih (မော်လိုက်) peng, PaanThar WaiDaung (ဝဲဒေါင့်) khua kam ah SAC ralkap le mizapi vengtu ralkap hna karlak nikhat chungah kahdohnak voihnih a chuak i SAC ralkap tampi an thi tiah MinKin pah- Kah- Phah phu chung tel pakhat nih a chim.

July 11 chun Sml 12:00 le zanlei 4:00 hrawngah hmaitonh kahdohnak a chuak tiah theih a si. “Chun Suimilam 12 hrawngah PaanTha / WaiDaung khua lei ah SAC ralkap hna nih rallam 3 in an sial. Pantha khua phanhhlan ah minute 20 hrawng kahdohnak a chuak i SAC ralkap 3 hliamfak an tuar” tiah MinKin Pah- Kah- Phah phu chungtel pakhat nih a chim.

Panthar khua kam Mawdar Chaung lei in SAC ralkap rallam cu July 11 zanlei Suimilam 4:00 hrawngah bomb lung 3 an i pah tiah theih a si. Cu bomb lamhnak ruangah Bo thum pakhat telin SAC ralkap tampi an thi. MawLeih ah SAC ralkap rallam sial ruangah Pantha / WaiDaung khua le pawngkam khua hna ah khuami 2500 hrawng ral an zaam tiah theih a si.

Be the first to comment

Leave a Reply

Your email address will not be published.


*