Kalaymyo PDF ralkap pawl caah Live Concert in fund an kawl i Dolla 21,000 leng an hmuh. Kalaymyo ram chung um mi mipii a veng tu ralkap (Kalay PDF) ralkap caah fund kawlnak an thok i America dollar 21,000 leng an hmuh tiah theih a si.
“kan mah pawl puai chung ah hin an rel khawh tawk Dolla 20000 leng kan ngah, mah ah cun Asian ram minung nih hlut mi aa tel rih lo, puai chung i a tel kho mi mipi pakhat cio nan dihlak in nan cung ah kan i lawm tuk” tiah puai a tuah mi chung in pakhat nih a chim.
Live Comcert fund kawlnak ah nihin July ni 30 zinglei suimilam 7 le cheu in an thok i America um mi kawlram mi 170 leng nih tangkaa in an rak hlut cio i Asian ram a si mi Japan, Korea, Australia, Thailand, India, kawlram mi sinin hlutmi tangkaa hi an rel rih lo tiah theih a si.
A tu ban tuk fund kawlnak ahhin Movies actress hlasak thiam Chit Tu Way, Dawng, Thawnkham, Shin Bia, Becca Fanai, Guys From Chin in P. Thawng Bawi, Benjamin Sum le David Lai pawl zong an i tel tiah theih a si.
PDF-Kalay an dirh kaa May 2021 in July 2022 tiang ah hin kadohnak 100 leng a chuak i Council ralkap 300 leng an ci an hmih hna i hriamnam le zenkuan pawl zong an lak khawh hna. Kum khat chung ah Council rallkap pawl raltha tak in a kap mi hna PDF 33 nih nun nak an pek i 10 leng hi an kut ke tling lo tiang in dothlennak caah an pek tiah kan theih.
Atu caan hin cun PDF-Kalay tat-yin pawl ah hin ei awk ti rawl le hriamnam kuan le zen pawl mipi i bomh nak an herh tuk ruangah pehtlai in kan bomh khawh cio nak hnga kan i nawl hna tiah an chim.
Leave a Reply