Mi A Suam I Nu 2 A Thattu Damiah Pa Cu Tlaih A Si Cang!!

Mandalay pygyi Takhone township ah damiah taih nak a chuak I nu 2 a that I thilri a chuttu cu an tlaih cang tiah hmun um mipi hna nih an chimnak in thawng theih asi.

Tuni zinglei suimilam 4 hrawngah khan Mandalay ramthen, Pygyi Takhone township Ngwetawgyikung veng ah a ummi 118 le 72 lam pawng I inn pakhat cu suamhmang damiah nih a suam hna I inn ngeitu nu 2 a thah hna I cu mithat tu suamhmang cu an tlaih khawh cang tiah an chim.

Hi bantuk in mi a suamtu (damiah taih tu) hi anmah vengchung ah a um ve mi asi I sii ka caw lai tiah a ti I inn chungah a lut I, a tu bantuk in a suamhna I a thah hna hi asi tiah an chim. Atu ahcun mah suamhmang pa hi an tlaih cang I thil sining chekhlatnak an tuah cuahmah lio asi I thil sining fiang taktak cu theih asi rih lo nain amah hi Pygyi Takhone palik sakhan ah suamhmang le mithah lainawn in tazacuai asi tiah theih asi.

2021 kum hnu in Mandalay ah hin damiah taih, mithah lainawn le thilri chuh ti bantuk hi a tu le tu in a chuak lengmang tiah hmun um mipi hna nih an chim.CRD .kp

Be the first to comment

Leave a Reply

Your email address will not be published.


*