Matupi Peng Ah Byohnahmu Bawmchantu Pakhat Thah A Si

Matupi Peng Ah Byohnahmu Bawmchantu Pakhat Thah A Si: Chin ramkulh Matupi peng Byohahmu(ဗျူဟာမှူး) umnak Phanang(ဖနိုင်) khua le Thisaung(ထီးဆောင်း) khua karlak ah nihin July 15 ah SAC ralbawi Byohahmu(ဗျူဟာမှူး) bawmchantu pa pakhat thah a si, tiah thawngpang theih a si.

Zinglei Sml 11 hrawng ah thah a tong mi pa cu Thisaung khua in Phanang khua a kal lei ah meithal in kah a tong. Matupi khuami pakhat nih cun, “Thah a tong mi pa hi kum 30 hrawng, kawl miphun a si i, uknak laak hnu in a umnak ah kir lo in Matupi ah khuasa mi a si. Caan sau deuh a rauh hnu ah SAC ralkap sakhan ah rawl a chuanpiak hna i, Byohahmu(ဗျူဟာမျူး) nih thil a chanhter tawn.Nihin zong ah datsi(ဓာတ်ဆီ) chaan in a kal i, a kir lei ah atu bantuk dirhmun hi a phan. A nupi le a fale 2 he khuasa mi a si,” tiah a chim.

A ruak cu SAC ralkap nih Matupi ah an kalpi tiah tualchung mi sin in theih a si.

Yeni Nichuahlei Naypyidaw PDF Camp Cu SAC ralkap Nih An Kah I, PDF 1 Nunnak Liam!: Pako ramṭhen Yeni nichuahlei Naypyidaw PDF 802 battalion sakhan cu July 14, zaanlei ahkhan hmunthum in kah an ton caah PDF pakhat nunnak a liam. SAC ralkap lei in minung 6 hrawng an thi, tiah Naypyidaw PDF 802 sin in theih a si.

“Kan umnak hmun panh in SAC ralkap nih hmunthum in rallam an kan sial hnawh i, an kan kah caah kanmah lei in minung pakhat nunnak a liam, kuan kan ngeih ti lo caah hnu kan tolh i, cycle 2 le meithal 2 kan sung,” tiah Naypyidaw PDF 802 nih cathanh an chuah.

Naypyidaw PDF chungtel pakhat cu nai ahkhan SAC ralkap nih an tlaih i rallam sialnak ah an i ratpi tiah PDF chungtel pakhat nih a chim. “Tlaih a tongmi PDF pakhat sin in kan sakhan umnak an theih i, tlaih a tongmi cu hriṭem buin an i ratpi ka hmuh, kahdohnak ah SAC ralkap 6 an thi,” tiah Naypyidaw PDF 802 battalion chungtel pakhat nih a chim. Credit : The Chin Post

Be the first to comment

Leave a Reply

Your email address will not be published.


*