Chin ramkulh Matupi le Lai Lenpi kar ah nihin zingkaa in SAC he kahdohnak a chuak tiah Matupi CDF nih an thanh . June 28 ah Lai Lenpi in Matupi lei ah SAC ralkap an ra i nihin July 6 zinglei Suimilam 9:15 hrawngah kahdohnak a chuak tiah an langhter.
Kahdohnak kong cu fiang tein kan langhter rih lo, pehzulh in kan rak thanh than te lai tiah an langhter chih. Credit : The Chin Post
thawngpang dang relchap : ‘Passport Caan Sauh Ding In Myanmar Ram Ah Kir A Hau Lai Lo’ Tiah Bangkok I Myanmar Embassy Nih A Thanh.
‘Passport Caan Sauh Ding In Myanmar Ram Ah Kir A Hau Lai Lo’ Tiah Bangkok I Myanmar Embassy Nih A Thanh. Myanmar mi ramdang um mi hna nih passport caan a dih ahcun a caan sauhnak tuah ṭhan ding in, Myanmar ram ah va kir i sawk hau lo in tuah kel ning tein caan sauter ṭhan khawh a si, tiah Bangkok ummi Myanmar Embassy zung nih nihin (July 5) zaanlei ah thawng an thanh.
Myanmar ram passport phunphun; Passport for Visit-PV, Passport for Business-PB, Passport for Education-PE, Passport for Job-PJ, Passport for Religious-PR, Passport for Seaman-PS tbk. hna cu tuah kel ning tein caan sauh khawh a si, tiah Bangkok i Myanmar Embassy nih an cathanh ah an langhter.
Passport for Visit-PV le Passport for Job-PJ dah ti lo a dang poh cu caan sauhnak tuah piak ti lo ding in ramdang ummi Myanmar Embassy pawl sin ah SAC Ministry of Foreign Affairs nih an luancia thla ah khan thawng a rak thanh hna, tiah Ayeyawady media nih an langhter. Myanmar passport kong he pehtlai in social media ah biachokvai a tam caah Bangkok i Myanmar Embassy nih cun atu bantuk in theihternak a tuah. Credit : The Chin Post
Leave a Reply