Matupi Khua Luhnak Cu SAC Ralkap Nih An Phih Caah Khuate Lei mi An Kir Kho Lo

Matupi Khua Luhnak Cu SAC Ralkap Nih An Phih Caah Khuate Lei mi An Kir Kho Lo!
==================================
Chin ramkulh, Matupi khua ah nihin September 1, chunhnu suimilam 2:00 hrawng in SAC ralkap nih checkhlatnak tuah in, khua luhchuahnak an phih caah khuate lei i a kir ding tualchung mi hna cu kir kho lo in khuachung ah an i hreng hna, tiah tualchung mi nih an chim.

SAC ralkap hna nih cun Matupi khuachung ah cycle le zeidang he aa chawkhlat mi hna cu check hlatnak an tuah hna. Khua a muih hnu tiang ah cu check hlatnak cu ngol loin khua luhnak hmunkip an phih, tiah theih a si.

Cheukhat nih Phanaing(ဖနိုင်) khua lei ah SAC ralkap le tualchung hriamtlai phu kar kahdohnak a chuak, tiah an chim. Khuami hna nih an chimning ah cun chunhnu suimilam 3:00 hrawng ah hriamngan thawng voikhat kan theih, tiah an chim. Zinglei ah Matupi a phanmi khuate lei mi hna cu SAC ralkap nih khua luhchuahnak an phih caah an kir kho rih, tiah theih a si. Credit : The Chin Post