Magwe Ramṭhen Ah CDM A Tuahtu Ralkap 4 PDF Ah An Lut!

Magwe Ramṭhen Ah CDM A Tuahtu Ralkap 4 PDF Ah An Lut: Magwe ramṭhen Saw peng ah CDM a tuahtu ralkap 4 cu Kyaukhṭu PDF sin ah an lut, tiah Kyaukhṭu PDF he naihniam in ummi pakhat nih a chim. CDM cawlcanghnak a tuahtu ralkap 4 chung in pakhat cu a hriamthil he CDM a lut, tiah theih a si.

CDM tuahtu ralkap 4 chung in 2 cu PDF battalion 2 ṭaṭ-khuai 3 sin Lah an i fonh i, a dang 2 cu PDF battalion 1 ṭaṭ-khuai 3 sin ah an i fonh, tiah theih a si. SAC ralkap ṭaṭ-mah-55 kuttang um 512 battalion in ralkap Phyo Ko Ko, Aung Kyaw Zin le Wai Luh Kyaw cu May thla ahkhan CDM an rak tuah.

Mindat peng khah-lah-yiah 274 in ralkap Hein Min Hlaing cu a hriamthil he July 18 ah CDM a tuah ve. Hriamthil he CDM a tuahtu Hein Min Hlaing cu sing 80 mmk an pek, tiah theih a si. CDM a tuahtu ralkap hna cu ṭha tein zohkhenh an si, tiah tualchung mi nih an chim.

Mizoram, Lawngtlai District Lungzarhṭum Khua Ralzaam Hna Ca Ah Khuami Nih Biakinn An Sakpiak Hna!: Mizoram, Lawngtlai district i khua pakhat Lungzarhṭum khua ralzaam hna ca ah LIKBK khrihfabu hna nih Biakinn an sakpiak hna, tiah theih a si. Biakinn saknak ah aa telmi upa pakhat nih cun,” Lungzarhṭum khua ralzaam hna cu khua in Km 1 hrawng a hlatnak ah an um i, khuachung ah an rak i pum tawn. An umkalnak ah zaangfak an si tiin ralzaam umnak pawng ah Biakinn sakpiak kan i tim i, Nihin in kan i ot,” tiah The Chin Post ah a chim.

Lungzarhṭum khua ahhin ralzaam member 168 an um i, a inn cun inn 16 an um. Lungzarhṭum khua ralzaam hna Biakinn saknak ding ahhin Lungzarhṭum LIKBK khrihfabu hna le hmun dangdang in bawmhnak tlawmpal an thawh hna, tiah theih a si. Biakkinn hi a dung ft’ 30 avang ft’14 in kan sakpiak hna lai, tiah ṭuanvo ngeitu pakhat nih cun a chim. Credit : The Chin Post

Be the first to comment

Leave a Reply

Your email address will not be published.


*