Magway ramthen Myiang pengchung khua te kip ah lut in ningcang lo in a cawlcang mi ralhrang hna cu hriamnam, eidin va chanh dingin a kai mi motor 2 hna cu bom an rak puah hnawh hna I, aithup mi ralhrang hna zong mine puahhnawh in an doh than hna I ralhrang lei in 3 an thi

Ralhrang Motor Le Aithup Mi Ralhrang Mine An Puahhnawh Hna

Magway ramthen Myiang pengchung khua te kip ah lut in ningcang lo in a cawlcang mi ralhrang hna cu hriamnam, eidin va chanh dingin a kai mi motor 2 hna cu bom an rak puah hnawh hna I, aithup mi ralhrang hna zong mine puahhnawh in an doh than hna I ralhrang lei in 3 an thi I, pakhat cu thilo nunglo in a um tiah Myiang myone mipi ralkap pah-kah-phah nih thawngthanhnak an tuah.

Tuni August ni 15 chun suimilam 1 luan ah Kamma khuapi lei in a ra mi ralhrang hna an motor 2 cu Myaing myone Teegyi le Netat khua karlak ah mine lung 14 bak an puah hnawh hna tiah Myiang pah-kah-phah nih an chim.Kamma in Kyautkhuat-Phalankain lei ah eidin a chantu ralhrang motor 2 cu hmun hnih in mine lung 14 in an dohhna I ralhrang motor hi tlawmpal te lawng a khen nain aithup mi ralhrang 4 hna cu thinphang in an I thuhnak hmun in an chuak I thingkung tang ah an I thup. Hi ralhrang 4 hna cu mine lung 3 in an dohhna I 3 cu an ril I, pakhat cu hliam hma he a thawhthan kan hmuh tiah Myiang pah-kah-phah nih an langhter.

Myaing peng chung khua ah a cawlcang mi ralhrang hna he zeitik paoh ah I kahdohnak a chuak kho mi asi caah mipi hna cu ralring tein um dingin Myiang pah-kah-phah nih an forh fial hna.

Be the first to comment

Leave a Reply

Your email address will not be published.


*