Magway Ramṭhen Ah SAC Ralkap Nih PDF Sakhan An Luhhnawh I PDF 21 An Tlaih Hna

Magway ramṭhen, Tayat pengkomh Ganma(ကံမ) pengchung tualchung hriamtlai phu sakhan pakhat cu September 4 ah SAC ralkap nih an luhhnawh. Mindon-Tayat-Ganma phufonh PDF sakhan ummi tualchung hriamtlai phu chungtel 21 tlaih khih an tong i, kuttser meithal zong an kan lakpiak, tiah Mindon(မင်းတုန်း) tualchung hriamtlai phu MPRF in ṭuanvo ngeitu nih a chim.

“Hi thil a cannak a ruang bik cu dalan ruang ah a si, Ngawngpinta Sapatan(ညောင်ပင်သာ စပတန်း) khuabawi a si. Amah nih tualchung hriamtlai phufonh umnak sakhan tiang lam a hmuhsak hna, cu sakhan in luatnak a hmutu hna he zong atu tiang pehtlaihnak kan tuah kho rih lo,” tiah Mindon(မင်းတုန်း) tualchung hriamtlai phu in ṭuanvo ngeitu Salai Aaka nih media ah a chim.

PDF sakhan luhhnawh an ton hnu ah sakhan pawnghrawng ah ummi Latpuat(လက်ပွ) khua cu SAC ralkap nih an luhhnawh ve i, khuabawi telh in tualchungmi zeimawzat an tlaih hna i Tayat thonginn ah an kuat, hna tiah theih a si.

Tayat-Ganma-Mindon phufonh hna cu a luancia July thlachung ah Pwintphyu(ပွင့်ဖြူ) peng, Mezali(မဲဇလီ) hleidonh ah SAC ralkap nih an rak kahdoh hna caah PDF chungtel 12 an nunnak a rak liam i, hriamthil zong an rak sung bal cang. Credit : The Chin Post

Be the first to comment

Leave a Reply

Your email address will not be published.


*