Lung Ahmui Tuk : Sagaing Ramthen Leiin Thawngpang Tha Tuk An Kan Thanh Cang Hih

Sagaing Ramṭhen, Hticheih Ah PDF nih SAC Ralkap An Kah Hna I, 18 Hrawng An Thi! Sagaing ramṭhen, Hticheih(ထီးချိုင့်) ah, SAC ralkap le PDF kahdohnak a chuak i, SAC ralkap 18 nak tlawmlo an thi, tiah Tigyaing Revolution nih nizaan August 29 ah cathanh an chuah.

August 28 zinglei ah, Inndaw peng, Pinnekung(ပိန်နဲကုန်း) khua in, Hticheih peng, Layta(လေသာ) khua ah zaan a riakmi SAC ralkap hna cu, PDF nih an kah hna i SAC ralkap 15 nak tlawmlo an thi, tiah theih a si.

SAC ralkap lei cu hnu an tolh i, Ganpauh(ဂန်ပေါက်) lei ah hriamngan an kah caah Ganpauh khuami 1 a nunnak a liam lengah nu pakhat zong hliam a tuar, tiah theih a si.
SAC ralkap hna cu Ganpauh khua nitlaklei Tayatkan (သရက်ဂန်း) khua ah kan hren hna i, Myitkyina lei in vanlawng pahnih a ra i, vanlei kahdohnak an tuah nain PDF lei in hliam tuarmi le inn rawkmi a um lo, tiah an chim.

Cun nizaan August 29 ahkhan Ganpauh le Pinsuh khua kar ah bomb lung 16 kan puahhnawh ṭhan hna i SAC ralkap 3 an thi chap. Cun, cuka i ai hrengmi SAC ralkap hna cu chuah ding in vanlei kahdohnak zong an tuah ṭhan, tiah an langhter chih.

SAC ralkap hna cu, nizaan August 29 ah khan Takuatchaung(သခွက်ချောင်) ah umhmun an khuar i, Hticheih lei ah an lut ṭhan, tiah theih a si. Credit: The Chin Post