LoiJay Ah Kum 4 Nu Ngakchia Tlaihhrem A Ton Caah A Nunnak A Liam!

LoiJay Ah Kum 4 Nu Ngakchia Tlaihhrem A Ton Caah A Nunnak A Liam!: Kachin ramkulh Myanmar-China ramri LoiJay(လွယ်ဂျယ်) Fu dum ah kum 4 tluk ngakchia nute cu tlaihhrem a ton caah a nunnak a liam, a ruak cu July 12 zinglei ah hmuh a si, tiah LoiJay(လွယ်ဂျယ်) khuami pakhat nih a chim.

Nunnak a liammi ngakchia nute cu kum 4 le thla 7 a si i, a tlaunak ni nga a luan hnu ah, a tlaihhremtu pa cu tlaih a si i, cu hnu ah a tlaihhremtu pa nih cun a thahnak hmun ah a kalpi hna hnu in, ngakchia nute ruak cu hmuh a si, tiah khuami pakhat nih a chim.

“Tlaihhrem a ton hnu ah a tlaihhramtu pa nih cun a thah beh, ruak zohfeltu siibawi an um lo caah nihin July 12 Bamaw ah zohfelnak tuah ding in timhtuah a si. Ngakchia nute cu a thihnak ni 5 hrawng a si cang caah a ruak cu a rawk ngai cang, ngakchia nu cung ah sualnak a tuahtu pa cu nizaan July 11 ah palik nih an tlaih,” tiah khuami pakhat nih cun a chim.

Thah a tongmi ngakchia nu hringtu nulepa cu KyaukSae in LoiJay ah khuasa mi an si i, ngakchia nu cung ah sualnak a tuahtu pa cu Tarsi in LoiJay ah rianṭuan mi a si, tiah khuami nih an chim. Hi thil a can nak a ruang bik cu, thah a tong mi ngakchia nu nulepa le a thattu chungkhar buainak ruangah a si i, atu bantuk in an fanu cung ah sualnak le lainawnnak a tuah hi a si, tiah khuami pakhat nih a chim. Ngakchia a thattu pa cu palik nih LoiJay palik sakhan ah an hren lio, tiah khuami nih an chim. The Chin Post

Be the first to comment

Leave a Reply

Your email address will not be published.


*