Lawmh Um Tuk E: Mizoram Cozah Nih Ralzaam Hna Kan Ca Ah Thil Ttha Taktak An Kan Tuahpiak Tthan

India, Mizoram ramkulh hmunkip um cozah le private sianginn hna ah ca a cawngmi Myanmar rammi siangakchia 6,195 an si tiah ramkulh fimcawnnak lei vuanci nih a chim. Siangakchia 5,221 cu cozah sianginn ah an kai i,siangakchia 186 cu cozah nih a bawmhmi sianginn ah an kai, cun siangakchia 790 cu private sianginn ah an kai hna tiah theih a si. Mizoram ramkulh chung fimcawnnak lei department in director Dr.H Lal Tlang Lian nih ” Myanmar ram lei in a rami siangakchia tamdeuh cu Chin mi an si caah holh lei ah cun harnak tamtuk a um lo, Mizo he nunphun le zulhning tibantuk an i khah leng ah Mizo holh zong an holh kho” tiah a chim.

2021-2022 cacawn kum ah Myanmar rammi siangakchia minung 68 cu tanghra exam caah cazin ah telhchih an si tiah Lalthlangliana nih a chim. Mizoram ah sianginn a rak kaimi Myanmar rammi hna chung ahcheukhat cu ralzaam chung in an si i, cheukhat cu ramchung sianginn an kai khawhlo caah nu le pa nih Mizoram ah sianginn kaiter mi zong an um, cun cheukhat ramri khuate lei ummi ngakchia hna cu Mizoram lei ah sianginn an kai hna tiah theih a si.

A tulio Mizoram university ah Institute of Chin Affairs (ICA) nih Mizoram mino hna caah Burmese language le social studies subjects diploma sianginn on ding in timhtuahnak an ngei tiah theih a si. Crd: the Chin Post.

Payathonzu khua pawng khuate pakhat cu SAC ralkap nih vanlawng in bom a thlak

The Chinland Post | 2022 September 30 – Karen ram, Kyainseikgyi peng Kyikdo le Payathonzu khua karlak ah a ummi Kakhaw khua cu September 28 zaan sml 11 hrawng ah SAC nih van in bom a thlak tiah theih a si.

Zaan i khuami pawl an i hilh lioah khuachung ah bom a tlak caah an zaam i bom 6 hrawng a puah caah khuami inn cheukhat, inn hmanmi thilri, eidin awk hna a rawk nain minung cu a kheng lo tiah theih a si.

Payathonzu khua pawng sakhaan pakhat cu KNLA phufonh nih an lak hnu ah a pawngkam khua cu SAC ralkap nih vanlawng in bom an thlak hi a si.

Be the first to comment

Leave a Reply

Your email address will not be published.


*