Dalan thawng peknak in Launglung mizapi vengtu ralkap ( Pah- Kah- Phah ) sakhan cu an luhhnawh i hriamnam le eidin lak piak an tong. Hliam a tuarmi ralkap pakhat zong tlaih a tong tiah Luanglung peng Mizapi vengtu ralkap phu nih nihin July 4 ah cathanh an chuah.
June 30 ah Dalan thawng pek nak ruangah SAC ralkap nih Thazaang tampi in sakhan cu an kan luhhnawh, kan kah ve ko hna nain minung thazaang, hriamnam a dantuk caah sakhan cu kan chuah tak tiah an langhter.
Kutser meithal pawl, kuan pawl, lamhlat kahnak hriamngan pawl, Drone pakhat le Laptop pakhat, kutser bomb hna tel in eidin hna an kan lak piak lengah hliam tuarmi ralkap pakhat zong SAC ralkap nih an tlaih tiah an langhter.
” Tlaih a tongmi kan unau ralkap le mipi nan thlanti man le kan ralkap hna nih nunnak thap in har tuk in an i khonmi hriamnam an kan lak piak caah kan i zuam chin lai i pehzulh in dothennak kan tuah rih lai tiah biakam nak kan tuah” tiin LuangLung Pah- Kah- Phah ralkap pakhat nih a chim.
A tu ah hriamnam i thlaih lo pinah an hmurkaa hmang in thawngpe tu dalan hna i an tuahsernak le an rianțuannak cu mipi hna zong nih nan theih cang caah thawngpe tu dalan hna cu tha tein kan hlathlai lai i kan fimtawl hna lai tiah an langhter. Credit : The Chin Post
Leave a Reply