Laimi Kan Mualpho Cikcek, Laimi Minung 5 Bak Mizoram Ah Fir Ruang Le Ritsii Phurh Ruangah Tlaih An Si

Chinmi 5 Mizoram ah Ritsii Phorh le Mi Inn Bauh Ruang ah an Tlaih Hna. Nizaan July 14 le nihin July 15 ah Mizoram ramchung ah Chinmi pathum cu fir ruang ah le ritsii phorh ruang ah an tlaih hna.

Nu hi Duh Lawng Thluai (kum 36), Falam peng in a rami a si tiah Mizoram palik nih an langhter i, Champhai Gate ah ritsii (heroin/ဘိန်း) he an tlaihmi a si. Pa upa deuh hi Lal Ngaih Chin (kum 32) tiah auhmi Tedim peng khuasa a si i, Khawzawl ah ritsii (Saychoh/ဆေး‌ခြောက်) he an tlaih.

A ngakchia bikmi pa hi Gabrial Muana (kum 25) a si i, Sihhmui ralzaam Camp ah a ummi a si. Sihhmui khuami inn a bauh ruang ah an tlaihmi a si. Cun July 12 lio ah khan Champhai peng, Dungtlang security gate ah U Hrang Kap Than (kum 22) le U Cung Lian Mang (kum 36) sinin ritsii 447.88 grame le India phaisa ting 224 (kawlram phaisa thlen in tuak ah cun ting 56000) he he an rak tlaih rih fawn hna tiah an langhter chap.

A cunglei Chinmi panga tlaihkhihnak kong hi Mizoram palik nih Twitter ah official in an tarmi a si. Cun tlaih a tong mi minung 5 hna hi an dihlak in Falam peng kan si tiah an chim cio hna. Credit :

Be the first to comment

Leave a Reply

Your email address will not be published.


*