Lai Mi Thlacamnak Hmun caah Pu Thawng Hlei Cung Family (Pa Lung) nih 500000 ( Tingnga) an hlut

*Lai Mi Thlacamnak Hmun caah Pu Thawng Hlei Cung Family (Pa Lung) nih 500000 ( Tingnga) an hlut.* Lai mi zumtu dihlak nih thlarau lei thazang laknak ah kan herhtuk mi thlacamnak Tlang caah kan ti khawhtawk asi an ti. Pe chantu chungkhar cungah Bawipa thluachuahnak a thar in um ko seh.Amen. Yangon Lai Christian Fellowship

thawngpang dang relchap : SAC Nih Uknak An Lak Thla 19 Chung Ah Karenni Ramkulh in Tualchung mi 300 Leng Nunnak A Liam

SAC ralkap nih uknak an lak thla 19 chung ah Karenni ramkulh chung in tualchung mi 322 an nunnak a liam cang, tiah Progressive Karenni People Force (PKPF) nih nihin September 1 ah cathanh an chuah. Nunnak a liammi tualchung mi 322 chung ah cheukhat cu kahdohnak ruangah nunnak a liammi zong an um i, SAC ralkap hremnak ah a thimi le thahmi hna hi minung 261 an si. Ralzaamnak hmun ah minung 61 an nunnak a liam, tiah theih a si.

Ralzaamnak hmun ah nunnak a liammi 61 chung ah hin kum upa cangmi hna le ngakchia an tam i, sii-ai le eidin donghcah ruang ah nunnak liammi an tam, tiah theih a si. Karenni ramkulh chung ah uknak lak hnu in mah umnak kaltak in ralzaam dirhmun a phanmi sing 2 leng an phan. Ralzaam dihlak i 65% cu caan karlak sakhan ah an i dor chung hna i, a tam deuh cu bawmh chom dirhmun in khuasa an si caah, eidin lei ah harnak an tong tawn, tiah ralzaam bawmtu hna nih an chim.

SAC ralkap nih uknak an lak thla 19 chung ah, Karenni ramkulh chung ah Biakinn 25 le inn 1180 cu SAC ralkap nih an khangh piak hna. Kahdohnak voi 454 a chuak i, SAC nih vanlei kahdohnak voi 158 tiang an tuah. Kahdohnak ruang ah tualchung hriamtlai phu hna le tlangcung hriamtlai phu in ralkap 151 an nunnak a liam. SAC ralkap lei in ralkap 1499 an thi, tiah PKPF nih an langhter. Credit : The Chin Post

Be the first to comment

Leave a Reply

Your email address will not be published.


*