KNU Tatmaha 1 Nih Thlakhat Chung Kahdohnak Kong Thawngthanhnak An Tuah Mi!!

Karen National Union tatmaha 1 Thathone division ah September thlakhat chungah ralhrang le KNLA tatmaha 1 bukomh ralkap hna karlak ah kahdohnak voi 39 a chuak I ralhrang lei in 48 an thi I 41 nih hliamhma an tuar tiah KNU tatmaha 1 nih thawngthanhnak an tuah.

Hi kahdohnak chungah hin ralhrang lei an motor 10 an rawk I, revolver pistol 1, MA meithal 2 kuan bawm 8, kuan 390 hna cu KNLA bukomh ralkap hna nih an lak khawh I KNLA bukomh ralkap lei in 5 nih hliam an tuar ve tiah theih asi. Mah pinah ralhrang lei cu an zam I, ralhrang 2 nih meithal he pasal tha hna sinah an I up tiah KNU tatmaha 1 nih thanhnak an tuah.

Ralhrang pawl nih nichiar tein hriamngan mi le a hmemi hna hmangin mipi umnak khua chung ah ningcang lo in an kah I minung umnak inn 4, motor 1 a khen I an rawk hlei ah inn zuat satil Caw, Naa ti bantuk tampi an thi. Mah hlei ah ralhrang hna nih an sakhan remhnak caah khuami hna cu thing le rua/mau hna cu hramhram in an lak ter hna tiah theih asi fawn.

Be the first to comment

Leave a Reply

Your email address will not be published.


*