KIA Nih SAC Kuttang Pyituhsit Sakhan Pahnih An Laak Ṭhan + Thawngpang Dang

Hpakant peng Shiahtuzut(ရှထူးဇွပ်) khua ah umhmun khuarmi SAC kuttang Pyituhsit sakhan pahnih cu nihin August 11 zing ah KIA Battalion 14 nih an lak khawh, tiah theih a si. Cu Pyituhsit sakhan pahnih cu, Tanaing peng Sanpiah khuate le Kaitaw khuate ah umhmun khuarmi, Min Zin Thant nih a hruaimi phu an si.

Nihin zing sml 4:00 in 5:00 tiang kahdohnak a chuak i, Tanaing peng Shiahtuzut khuate umhmun khuarmi SAC ralkap No. 297 Kha La Yah Battalion nih hriamngan in kah an bawmh hna, tiah theih a si.

Chaung U Ah PDF Nih SAC Ralkap Bomb An Puahhnawh Hna i, SAC Ralkap 14 An Thi!: Sagaing ramṭhen, Chaung U ah rallam a sialtu SAC ralkap hna cu Bomb kan puahhnawh hna i, SAC ralkap 14 an thi, tiah Chaung U People Defense Force (CHUPDF) nih cathanh an chuah.

Nizaan August 10, zinglei sml 6:45 hrawng ah Pumpululh certual le Irrigation Office ah umhmun a khuarmi SAC ralkap, JAMMER motor 1 in ralkap 30 hrawng le ke in a kalmi ralkap 15, an dihlak ralkap 45 hrawng cu Chaung U in Khinmon khua lei ah Aung Chan Thar le Khinmon khua kar ah, CHUPDF nih bomb an puahhnawh hna, tiah theih a si.

Cun Khinmon nitlak lei Inn pakhat pawng ah CHUPDF nih bomb an puahhnawh ṭhan hna i, SAC ralkap 14 an thi, hliam tuarmi zong an tam, tiah an cathanh ah cun an langhter. Credit : The Chin Post

Be the first to comment

Leave a Reply

Your email address will not be published.


*