Kawl Ralhrang Uico 12 Bak An Hrilh Than Hna, Tuhi Hell Ah An Hrum-ai Len Ko

KNU Brigade 3 Hmunram Kahdohnak Ah SAC Ralkap 12 An Thi: Bago ramṭhen Ngawnglaypin pengkomh KNU brigade 3 hmunram ah July 15 in July 18 tiang (nithum chung) kahdohnak ah SAC ralkap 12 an thi i, ralbawi commander rank telh in SAC ralkap 6 hliam an tuar, tiah KNLA nih an thanh. Kaphnih kar kahdohnak ah KNLA lei in ralkap pakhat nunnak a liam, tiah KNLA ralbawi pakhat nih a chim.

SAC ralkap le KNLA karlak ah thlakhat leng chung kahdohnak a chuak i, KNU hmunram ah SAC ralkap nih sualnak ngei lo msawhsawh hna cu an kut hriṭem in ralphaw ah an tlaih hna, tiah ralzaam dirhmun phanmi IndaiKung(အင်တိုင်းကုန်း) khuami pakhat nih a chim.

KyaukKyi(ကျောက်ကြီး) peng in July thlachung ah SAC ralkap kut in minung 15 an nunnak a liam i, July 13 ah tlaih a tongmi ṬawKyawngPoh(တောကြောင်ပေါက်) khuami 27 cu July 17 ah an thlah ṭhan hna, tiah tualchung mi nih an chim.

Be the first to comment

Leave a Reply

Your email address will not be published.


*