Kahdohnak A Fak Caah Kan Mipi Ralkap Hliamtuar An Tam,, Thlopbulnak Kongah An Lungre A Thei Bawm Cio Hna Usih

Kahdohnak A Fak Caah Kan Mipi Ralkap Hliamtuar An Tam,, Thlopbulnak Kongah An Lungre A Thei Bawm Cio Hna Usih. Miphun zawnruah ruangah a fak bik mi thihnak le hliam nan tuar ko hi cu lung a faktuk ee. Mipi le chinram nan dawttuk caah maw nan nunnak le nan thisen le nan nunnak tiang a liam ko hi cu ee.

Kalaymyo khua pawng Tayakung kahdohnak ah mipi ralkap hna hliamtuar mipawl an thlop hna lio a si. Kan ralkap hna hliam an tuar i an i zohkhenhnak siizung tha mipi ralkap nih an herh taktak ee. kan ralkap a hliam mi le a thi mi pawl zoh khenhnak ah bawmh kan herh taktak ee . Mipi nih kan mipi ralkap hna hi bawm cio ko hna usih. Kan PDF pawl caah mipi tang cio hna usih.Crd…Kalay PDF

thawngpang dang relchap : North Okkalapa peng Inn Za Uktu Cu Hngalh Lomi Hriamtlai Phu Nih An Thah

Khualtlung cazin atu le tu hlatnaknak a tuahtu, Yangon ramṭhen North Okkalapa peng no.2 sang inn za uktu, Taung Dan cu hngal lo mi hriamtlai pakhat nih an kahthah, tiah tualchung mi nih an chim.

Taung Dan cu Nihin August 20, zinglei suimilam 11:00 hrawng ah North Okkalapa peng, no.2 sang Tumala(သုမာလာ) lam 8 nak ah an kahthah, tiah tualchung mi nih an chim.

“A lu i an kah caah kah a tonnak hmun ah a thi colh, amah cu sangchung mi hna sin ah mei man a khawlhtu le khual cazin checknak a tuah zungzaltu a si,” tiah sangchung mi pakhat nih a chim.

SAC ralkap hnu zultu khuabawi le inn za uktu hna cu an rian ngoltak ding in, Tualchung hriamtlai phu hna nih voi tampi ralrinnak an pek cang hna, tiah theih a si. Credit : The Chin Post

thawngpang dang relchap : Mandalay Ramṭhen, Ngazun Peng Magyi Khua Inn 62 A Kaang!

Mandalay ramṭhen, Ngazun peng Magyi khua komh, Magyi khua cu nizan August 19 zinglei sml 1:00 hrawng in a kaang, tiah mi bawmchantu phu sinin theih a si.

“Mei a chuahnak hramthawk cu U Ban Tin, kum 56 rawlchuannak coka in a si, Meikang ruang ah hin Ngazu khua inn 62 a ciam,” tiah Mandalay meithat zung in ṭuanvo ngeitu pakhat nih a chim.

Cu inn kaangmi ruangah thilri a rawkmi hi buaktlak in kyats 358,5000 man a si, tiah Ngazun meithat zung nih cathanh an chuah.

Inn kanghnak ruangah khuami; pa 114 le nu 137, an dihlak minung 251 cu Magyi khua sianginn le Laymyathna (လေးမျက်နှာ) phura umnak pawngkam ah caan karlak an um i, an zohkhenh hna, tiah theih a si. Mei kangh hram aa thawknak in ngeitu U Ban Tin cu upadi ning in taza an cuai, tiah theih a si.

Be the first to comment

Leave a Reply

Your email address will not be published.


*