Kachin ram in CDF-Lautu ralkap cheuthum cheuhnih cu him tein Lautu ram

Uar an um tuk e Bawipa nih um pi zungzal ko hna seh, kan ram le kan miphun caah kan Pasal ttha pawl cu Bawipa nih a kilven zungzal ko hna. Kachin ram in CDF-Lautu ralkap cheuthum cheuhnih cu him tein Lautu ram an phan cang. 📸Chinland Defense Force-Lautu. The Chin Post

thawngpang dang relchap : Monywa Peng Alone Khua Motor Remhnak Hmun Ah Meithal Le Zen- Kuan An Tlaih

Sagaing ramṭhen, Monywa peng Alone(အလုံ) khua Chin Dwin tiva hlei pawng ah a ummi motor remhnak hmun ah nizan September 7 chun ah meithal le zen-kuan an tlaih, tiah tualchung mi hna nih an chim.

“Chin Dwin tiva hlei pawng ah a ummi Zaw Win motor remhnak hmun ah SAC ralkap le palik nih checkhlatnak an tuah i, minung 4 an tlaih hna pinah meithal le zen-kuan an tlaih,” tiah mithmutu pakhat nih a chim.

Monywa pengkomh palik he aa naihniam mi pakhat nih, “Thawngpang an theih caah Zaw Win motor remhnak hmun cu checkhlatnak an tuah i, M4-16 zun 1, Rifle zun 1 le kuan bawm 1, 40mm kutser meithal zun 1, 12 tha a ngeimi thalpak zun 1, kutser pistol a tawimi zun 1 le a saumi zun 1, meithal kuan 139, phone 1 le a dangdang thilri kan tlaih hna,” tiah a chim.

Monywa peng Alone khua chuah check gate ah a luancia August ah, Yangon in Ye U lei a kalmi khualtlawng an i citmi Express motor chung ah hriamnam le zen-kuan cu SAC ralkap nih an rak tlaih bal cang. Credit : The Chin Post