Inndaw Ah Tlaih Cia Mi Thlah Lo In A Dang Minung 10 SAC Ralkap Nih An Tlaih Chap Hna

Sagaing ramțhen , Inndaw peng ah SAC ralkap an tlaih mi hna civil 15 cu thlah loin a dang minung 10 tu SAC ralkap nih an tlaih chap hna tiah theih a si.

July 12 ah Kata peng Yazargyo(ရာဇဂြိုလ်) tlang in a arak țum mi SAC ralkap batallion 309 minung 100 tluk cu Inndaw peng khua hna an lut i misawhsawh 15 an tlaih hna i nihin tiang an thlah riah hna lo. Cu pin ah midang 10, Tanbo(သံဘို) khua mi 7 Natmahohgyi(နတ်မဟုတ်ကြီး) khua mi 3 an tlaih chap hna tiah Inndaw PDF rian ngeitu pakhat nih a chim.

July 12 ah an tlaih mi hna minung 15 cu Kuaset(ကူးဆပ်) khua, Kyintaw(ကျန်တော), Na Naung(နားနောင်), Kyaw(ကျော်ရွာ) le Nakha(နားခါး) khua mi an si hna i ralkap uniform an hruk ter hna tiah theih a si. A dang 10 an tlaih hna mi cu an hruk ter ve hna maw? ti cu hlat hlai lio a si. Ni 2 chung ah an tlaih mi hna hi minung 25 an si cang. Lothlo le lei a thuang mi an tlaih hna mi a si i a cheu cu ram lak ah mehhaang an zalhnak ah tlaih mi hna a si tiah theih a si. Credit : The Chin Post