KNU brigade 1 hmunram, Kyaithtu peng Ingabo khua, Latpanpin (လက်ပံပင်) thlanhmun ah hriamngan he umhmun a khuarmi SAC ralkap hna cu tualchung hriamtlai phufonh nih an kah hna caah SAC ralkap lei a thi le hliamhma tuar an tam, tiah Kyaithtu KRF nih an thanh.
August 28, zinglei ah SAC ralkap hna cu KRF, KNU/KNLA brigade 1 battalion 2 le PDF battalion 3 phufonh hna nih an kah hna, tiah theih a si.
Thlanhmun ah umhmun khuarmi SAC ralkap lei cu ralkap 17 an thi, tiah KRF nih an thanh. Tualchung hriamtlai phufonh lei cu hliamhma tuar um loin hnu an tolh ṭhan, tiah an langhter.
Minkin PDF Nih Palik le Pyituhsit An Kah Hna I, Palik Bawi Pakhat Le Midang 3 An Thi: Sagaing ramṭhen, Minkin peng, Maukkadaw(မောက္ကတော်) khua, Maukkadaw(မောက္ကတော်) palik sakhan ah ṭuanvo ngeitu hna cu August 29, zinglei ah hmunhma zohfelnak an tuahnak in an kir lei ah PDF nih an kah hna i, palik sakhan bawi telh in minung 3 an thi, midang 3 hliamhma an tuar, tiah Minkin PDF nih an thanh.
Palik le pyituhsit kahdoh an tonnak kong ah Minkin peng security lei tlaitu phu hna he naihniam in ummi pakhat nih cun, “Maukkadaw (မောက္ကတော်) palik sakhan bawi Thurah Aung le pyituhsit hruaitu Ko Naing Lin telh in minung 3 an thi, minung 3 zong hliamhma an tuar,” tiah a chim.
Hliamhma tuarmi le a thimi palik hna cu Maukkadaw (မောက္ကတော်) in Minkin general hospital ah an kalpi hna, tiah mithmutu tualchung mi hna nih an chim. Credit : The Chin Post
Leave a Reply