Good News : Yesagyo Ummi SAC Ralkap Hna Cu PDF Nih Bomb An Puahhnawh Hna I, Ralkap 25 an Thi

Magwe ramṭhen, Yesagyo ah August 29 le August 30 ahkhan Yesagyo cinthlaknak zung pawng ah Pakokku Tat-Mah 101 ummi SAC ralkap hna cu PDF nih voihnih bomb an puahhnawh hna i, ralkap 25 an thih lengah 30 hliam an tuar, tiah Yesakyo PDF nih an thanh.

Ralkap thazaang 70 tluk cu light truck 1 le ralkap motor 2 he an ra i, cu lio ah cun lamhla kahnak bomb lung 20 in kan puahhnawh hna, minung 20 an thih pinah, 18 cu faak ngai in hliam an tuar. 12 tu cu an hliamhma a faak tuk lo. Hliam a tuarmi hna cu Tat-Mah 101 ralkap sinah an kalpi hna, tiah ṭuanvo ngeitu nih a chim.

Cun August 29 lio i bomb kan puahnak cinthlaknak zung pawng ah bomb kawl ah a rami SAC ralkap hna cu nizaan August 30 zaanlei sml 12 luan hrawng ah bomb kan puahhnawh ṭhan hna i, 5 an thih lengah 2 zong faak ngai in hliam an pu, tiah a chimchap.

Cu bomb puahnak ah cun Yesagyo PDF, Myaing Rural Force, Steel Hawk PDF le Myaing Township phufonh hna an i bawm, tiah theih a si.

Shwebo Khua Helnak Lam Ah A Ummi SAC Ralkap Check Gate Kahdohnak Ah SAC Ralkap 3 An Thi!: Sagaing ramṭhen, Shwebo khua helnak lam i khual a tlawngmi hna a ṭhihphaih i, phaisa a hal tawntu SAC ralkap check gate cu nizan Aug 30, chun 11:30 hrawng ah drone in bomb kan thlak hnawh hna i, SAC ralkap 3 an thi tiah BLACK WOlF-PDF nih cathanh an chuah. Cu kahdohnak ah cun kanmah lei hliamtuar um loin hnu kan tolh kho, tiah BLACK WOLF-PDF nih cun an langhter

“Shwebo-Mandalay khua helnak lam ah SAC ralkap nih gate an chiah i, khualtlawng mi hna cu an ṭhihphaih hna lengah phaisa an hal hna ti thawng kan theih. Cu kong cu a dik maw dik lo ti kan hlathlai i, a dikmi a si ko ti kan fianh khawh hna hnu ah kan kahdoh hna. SAC check gate pawng ah a ummi 2 cu hliamhma an tuar caah kan lung a ṭha lo,” tiah an cathanh ah cun an langhter.

Mipi cu SAC ralkap hna he aa hlatnak ah um ding in BLACK WOLF-PDF nih theihternak an tuah. Credit : The Chin Post

Be the first to comment

Leave a Reply

Your email address will not be published.


*