Nikhat chungah SAC ralkap chungtel 60 an thi tiin nizaan September 12, ni ah NUG nih cathanh an chuah tiah theih a si. Cathanh ah langhtermi cazinnak in a tak ah a thimi cazin a tamdeuh kho, nikhat chung i kahdohnak ah hliamhma tuarmi minung 20 hrawng an si tiah an langhter chih.SAC ralkap nih hranhram in uknak an lak hnu in mipi cungah thilsual tuahnak, mipi hremnak, thahnawnnak an tuah tikah, mipi nih mah humhimnak caah le mah tein i runvennak ding caah tiin cawlcanghnak tuah i hriamtlaih a hung si ve.
NUG cozah zong nih mizapi nih SAC ralkap uknak thlak dingah kahdohnak tuah dingin a thanh kum khat chungah SAC ralkap chungtel 20,150 leng an thi i hliamhma tuarmi dihlak hi 7,000 leng hrawng an si cang tiah NUG caan karlak president Duwa La Shila nih a rak chim.
A luancia September 7 ni ah tuahmi D Day thanh kum khat tlin philhlonak camtuak caan hmannak ah NUG caan karlak president Duwa La Shila nih cun, kum khat chung ah PDF le tlangchung hriamtlai phu, tualchung hraimtlai phu chungtel minung 1500 leng an nunnak a liam ve tiah a chim chih.Myanmar ramchung hmun kip kahdohnak a chuakmi kong ah SAC ralkap leiin a thimi le hliamhma tuarnak kongkau ah SAC ralkap lei nih cathanh an chuahmi a um rih lo.Crd the chin post
Leave a Reply