CDF-Zotung Cu CNA/CNF Țhithruainak Tang Ah Kan Um Lai : CDF- Zotung CDF Zotung Organization, Supreme Council nih CDF Zotung ralkap hna cu CNA sin zong ah thlah ding le CNA țhithruainak tang ah um ding in CNF upa he hnatlaknak kan ngei tiah an thanh.
CDF Zotung ralkap pawl training an dih in an hmunhma cio ah rian an țuan lai,A tu bantuk in CNA thithruainak tang kan um hi kan i lungrualnak ding le kan i țhencheu lonak hnga asi, Atu lio hi Chin Miphun dihlak ”CHIN”” timi ah kan i țhangh a herh caan a si tiah an langhter. CNA/ CNF cu CDF- Zotung caah kan nu le kan pa an si tiah an langhter chih. Credit : The Chin Post
Thawngpang dang relchap : Saw Peng Kahdohnak Ah SAC Ralkap 5 An Thi!
Saw Peng Kahdohnak Ah SAC Ralkap 5 An Thi: Magwe ramṭhen Saw peng in rallam sial ah a chuakmi SAC ralkap hna le tualchung hriamtlai phu hna cu nihnih chung faak ngai in an i kap i, cu kahdohnak ah cun SAC ralkap 5 nak tlawm lo an thi lai, tiah Saw-PDF nih an thanh.
SAC ralkap hna cu Saw-Saitphyu lampi Nagapuait (နဂါးပွက်) tlang ah umhmun khuar ding in timhtuahnak an ngeih lio ah July 20 le July 21 ah Saw PDF le tualchung hriamtlai phufonh nih an kah hna, tiah theih a si.
SAC ralkap hna cu Saw peng tualchung hriamtlai phu PDF Saw battalion 1, PDF Saw battalion 2(YRPA), Lawngshi PDF (YRPA), Ngawng Yan(ညောင်ရမ်း) PDF le Salin PDF phufonh nih an kah hna i, cu kahdohnak ah cun SAC ralkap lei 5 hrawng an thi, tiah theih a si.
Kani Peng Chindwin Tiva In An Rak Kai Mi SAC Ralkap Tilawng 2 Cu CGDF Nih An Kah Hna: Sagaing ramṭhen Kani peng Chindwin tiva Alungmindaungh(အလုံမင်းထောင့်) lawng dinhnak in a rak kai mi SAC ralkap tilawng 2 cu nihin July 22 ah Chindwin GZ Defense Force (CGDF) nih an kah, tiah CGDF nih an thanh. Kahdohnak ah a thi mi an um le um lo cu fiang in theih khawh a si rih lo. Credit : The Chin Post
Leave a Reply