Good News : CDF-KKG Sinah Chungkhar Pakhat Nih Sui Kuthrolh 5 An Pek

CDF-KKG Sinah Chungkhar Pakhat Nih Sui Kuthrolh 5 An Pek
==================================
CDF-KKG Battalion 5 sinah chungkhar pakhat nih sui kuthrolh 5, kyats sing 75 man cu nizan August 5 ah an pek(bawmh) hna, tiah theih a si. Atu bantuk in nan kan bawmh, nan kan pekmi hi kan ca ah a herh tukmi a si. Nanmah le si khawhnak zawn cio in dohthlennak ah i tel ve u. Mi pakhat lawng nih tei khawh a si lo. A bu zong in tei khawh a si lai lo. Kan dihlak i bawm in kan doh lawng ah kan tei lai.

Zumh ngamnak he kan bawm rih ko u, hriamnam zong tampi kan bawm rih u. Zalonnak kan hmuh nakhnga kan nunnak pek in rian kan ṭuan. Nan kan bawmhmi tangka cu meithal cawknak ah kan hman lai, tiah CDF-KKG Battalion 5 nih an langhter. Credit : The Chin Post

thawngpang dang relchap : KNU Brigade 5 Hmunram In August Thla Chung Ah Kahdohnak Voi 110 Leng A Chuak I, SAC Ralkap 80 Leng An Thi

KNU Brigade 5 Mutraw(မူတြော်) pengkomh ah SAC ralkap, an kuttang BGF le KNLA hna cu August thla chung ah voi 118 an i kap i, SAC ralkap 84 an thih pinah 47 hliamhma an pu, tiah Mutraw news nih a langhter.

Kahdohnak ah a thimi hi SAC ralkap kuttang BGF an si i, KNLA lei in ralkap 1 a nunnak a liam ve, tiah KNU Brigade 5 nih an thanh. August thla chung kahdohnak ah SAC ralkap nih an hman ngaimi hlei pakhat zong KNLA nih an hrawh, tiah theih a si.

SAC ralkap nih hriam thlah mi ruangah inn 24 a rawk i, vanlawng bomb thlaknak in tualchung mi 1 a thi, 5 hliamhma an pu, tiah theih a si.

RELCHAP: Daw Aung San Su Kyi Tonnak Nawl An Ka Pek Lo Cun Myanmar Ka Kal Ti Lai Lo – Noeleen Heyzer: Myanmar ram ah SAC nih uknak an lak hnu in tlaih a tongmi Daw Aung San Suu Kyi he tonnak nawl an ka pek lo ahcun Myanmar ram ah ka kal ti lai lo, tiah United Nations Special Envoy on Myanmar Noeleen Heyzer nih cun a chim.

Kan hnu thla Myanmar ram a tlawn lio ah SAC Chairman General Min Aung Hlaing he tonnak an rak ngei, Cu lio ah cun Daw Aung San Suu Kyi he tonnak nawl a rak hal i a halmi cung ah Min Aung Hlaing nih cun ton khawh ding phun in an rak leh. Nai te ah Daw Aung San Suu Kyi cu thongtlak kum an chapmi le rianhrang tuan chih ding an timi kong ah Suu Kyi ngandamnak ca ah ka thinphang tuk, tiah Singapore ram ah ISEAS nih tuahmi biaruahnak ah Noeleen Heyzer nih cun a chim.

Uknak lak hnu in Daw Aung San Suu Kyi cu a sualnak an kawl i case tampi in tazacuai a si, biaceihpiak cangmi chung ah thong kum 20 tla ding in biakhiahpiak a si. Noeleen Heyzer nih cun Myanmar ram ah ramkhel daihnak a um lo ca ah ram mipi hna cu ralzam dirhmun an phan hna, cucaah ramdang hna zong nih bawmhchanhnak rak pek cio a herh kong tonbiaruahnak ah cun a chim. Credit : The Chin Post