Good News; American sinin Kawlram mipi hna kan caah thawngpang tha taktak theih a si!

American Nih SAC Ralhrang A Nawl, Kawlram Mipi Kan I Dirhkamh Ko Hna-American

Democracy duh haltu mipi hna i an saduhthah cu upat dingin Myanmar Tatmadaw cu kan i nawl ko tiah Myanmar kongkau American Embassy nih September ni 15 ah cathanh a chuah.Kum 2022 September ni 15 ah a phan mi International Democracy philhlonak ni ah a tubantuk in cathanh an chuah hi a si.

Mipi hna caah mipi hna nih duhthim in an chuahpi mi Mipi cozah a si mi cu Democracy a si i Dainak, duhchim khawhnak, himnak cu thancho dingin tuanvo lak ding caah minung vawlei i hmual a ngei bik mi lam a si timi cu hrambunh in a dik mi pakhat cu a tu bantuk in International Democracy ni ah kan kan pom cohlang (Myanmar ram mipi nan tiltuah nan khel mi cu American nih kan i cohlang piak hna NUG cu mipi cozah ah kan pom ti he aa khat)

.Zalonnak le Democracy ngah khawhnak caah zaanghlei a chuah mi Myanmar mipi hna he hmunkhat teah kan i dirpi ko hna (American nih Myanmar mipi hna cu kan in dirpi ko hna). SAC ralhrang uknak tangah nikhat tehmanh thutdir duh loin Democracy duhherh haltu mipi hna i an saduhthah cu upat dingin hramhram in uknak laatu (Sahrang cozah) cu kan i nawl ko  tiah cu cathanh ah cun an langhter.

Myanmar ram cu kum 2021 February ni 1 ah Myanmar Tatmadaw nih NLD cozah cu kum 2020 rampi thimnak mee cazin (mee kuang) ning cang lonak cu zohfelnak tuab than loin Cozah dirh khawh (Cozah ser kan i zuam) kan i zuam tiah an ti i, hramhram in mipi sinin rampi uknak cu an laak i emergency thawngthanhnak an tuah.

Cu khawhin Tatmadaw dohdalnak le Democracy sersiam than khawhnak caah mipi lamzawhnak cu ram pumpi ah a chuah bantukin Khua Pau Dohthlennak timi hriam tlaih in duhlonak langhter in dohthlennak tuah a si. A tu ah Sagiang ramthen, Magway ramthen, Rakhine ramkulh, Chin ramkulh, Kayin ramkulh, Kaya ramkulh hna ah hriamtlaih buaibai kahdohnak a chuah bantukin Mandalay ramthen, Yangon ramthen, Mon ramkulh, Shan ramkulh, Bago ramthen hna zongah kahdohnak a chuah i mipi sualngei tampi tlaih khih an ton pinah a thi mi le hliamtuar mi an tam.

Inn le lo khangh piak in ralzaam tam pi kan um. SAC ralhrang lutlai Min Aung Hlaing nih kum 2023 ah rampi thimnak cu kan tuah than lai i, teitu sinah uknak kan peek than ko lai tiah a ti. A sinain Democracy congahkhawh nakhnga dingah kahdohnak chungah a lut mi hriamtlai hna nih, cu rampi thimnak cu an cohlang duh lo. Lemsawinak sawhsawh men a si lai tibantuk in an mah nih pehzulh in rampi uknak tlaih than an duh caah a si tiah an chim.

Be the first to comment

Leave a Reply

Your email address will not be published.


*