Fakpi In Zun An Tuar Ti Hmuh Ahcun Lungthin Fah Hi Celh A Si Lo.

2022 Sep.21 ni ceo kha thihnak fak le ngaihchiatnak a tuarmi, Tlangrua A le B um ralzam kan pi le hna le kan member tarnu tarpa ka va veh khawh ve hna. Fakpi in zun an tuar ti hmuh ahcun lungthin fah hi celh a si lo. Pathian sin tu ah bawmh hal in thla kan cam. Tlangrua B um ralzam hna nih, khuami hna cungah lawmhnak chimnak le thluachuah halpiaknak le zanriah dumtinak an rak tuah. Hihi thil dawh le tha tuk in ka hmuh. Dawt lawng duh i dawtu a hngal ti lomi si sual lai hi kai phang tuk ve. An thil tuah nih thukpi in a ka cawnpiak. Zan pumh ah phung chim an ka hoih ve i caan tha ka hmang kho ve, kai lawm tuk. Ka hrukaih bel cu kai phuhrung ngai.

Tlualam, Thau khua thar, Vambai le khua dangdang cio hna zong nih, ralzam hna ca i thlacam piaknak le zanriah dumpinak an tuahpiak hna ti zong kan theih. Cathiang i, Dawtnak cu dongh a thiam lo a kan timi bia kha mit hmuh awk in a kan hmuhsaktu an si hna. Kan i lawm tuk. Lam le sul tu hi cu, furpi le lam thar kan ti cu a si awk tein a si ko. Lam lo kalnak cun a nuam deuh tuk i hna zong a ngam deuh tuk. Nehhnu zulh peng bel a hau ko rih. Nizan 2022 Sep.23 cu, Pang khua ral zam camp ah US in a kan tlawng mi Ngun Hlei Tial nu (Maaluh) ka zul. Tlunzoh ah tiin Chiti, satpiat, Hasi, kheng tawlnak tibantuk coka herhhai kip kha a phurh hna. Rethei tuk in an kawlhawl chin mi chawva, dawtnak in an kan hrawm pengmi nihin lawmhnak le thazaang thar a kan pek. Dawtnak le dawtu hecun lam har zong zulh khawh a si ko lai. Credit: Nelly Laiuk

Lawngtlai Ah CDF Matupi Chungtel Salai Lian Thang A Nunnak Liam The Lairam Times West Lairam, Lawngtlai, 24 Zing 2022: West Lairam khualipi Lawngtlai Vengpui ah aa dormi, East Lairam, Matupi pengkomh, Mitu khua, Lawngtlai Vengpui Pu C. Lalneihkhuma inn hlang mi, Salai Lian Thang kum 32 cu 24 Zing zinglei suimilaam 4:45am ah a nunnak a liam. A ruak hi chun suimilaam 11:00am ah, khual thlanhmun No.3 ah vui a si lai. Salai Lian Thang hi Chinland Defense Force Matupi chungtel a si i, caan karlak a dinh lio caan ah tu bantukin a nunnak a liam hi a si. Credit: TLT