Democracy Cawlcangtu Thihdan Pek Mi US Embassy Nih Sual A Phawt

Democracy Cawlcangtu Thihdan Pek Mi US Embassy Nih Sual A Phawt Democracy a duhtu hna SAC nih a thahnawn mi hna cu kan cohlang kholo i kan doh tiah US Embassy, Yangon nih cathanh an chuah.
” Ko Jimmy, Ko Phyo Zeya Thaw, Ko Myo Hla Aung, Ko Aung Thura Zaw thahnawn an tonmi kong ah Kawlram mizapi nan ngaihchiatnak kan in hrawmpi hna.

Tantak mi chungkhar, hawikom hna nan ngaihchiat nak kan in tuarpi hna i kan lung a tha lo” tiah US Embassy nih nihin ah cathanh an chuah. Germany Embassy zong nih Democracy pasalțha 4 hna caah Meilul 4 an van i an ngaihchiatnak an langhter ve. Credit : The Chin Post

thawngpang dang relchap : TaungNgu( တောင်ငူ) Nitlaklei Kahdohnak Ah SAC Ralkap 5 An Thi, 4 Hliam An Tuar

TaungNgu( တောင်ငူ) pengkulh, nitlaklei khuate hna ah rallam sialmi SAC ralkap hna cu TaungNgu PDF Battalion 3501 Tat- Khuai 1 nih nizan July 24 zanlei ah kan kah hna tiah an thanh.

July 24 zanlei Sml 4:40 hrawngah mawtaw lampi MyaPinKo(မြပင်ကူ) khua le Tayat Kone(သရက်ကုန်း) khua karlak ah rallam a sial mi SAC ralkap thazaang 40 hrawng cu security an hngah lio ah hriamngan he hriamhme he kan kah hna tiah an langhter.

Hliamtuar umlo tein hnu kan tolh kho. SAC ralkap lei in 5 an thi i 4 hliam an tuar tiah an langhter. TaungNgu pengkomh mizapi vengtu ralkap hna nih mizapi lei ṭang lo in SAC ralkap tha a pe mi zeibantuk phu a si mi paoh cu kan doh hna lai i kan fimhlawm hna lai tiah theihter nak an tuah. Credit : The Chin Post