Deemawsooh ah SAC Ralhrang le Mipi Ralkap Karlak Tukdohnak Ah Mipi ralkap nih An Hriamnam An Lak Khawh

Kareni ramthen,Deemawsooh pengah nihin ah i kahdohnak  a chuak i SAC Ralhrang ralkap  pakhat a thi i hriamnam le kuanfang hna kan lak tiah KNDF nih thawng an thanh.

September ni 4, tuni suimilam 6:30 am ah Deemawsooh peng,Ngwey Thit khuate kiangkap ah ral lam a sialmi SAC Ralhrang ralkap cu Karani ralkap(KA), KNDF B/10 Phu pawl fonh in a doh hna, an i kahdohnak cu suimilam pa 4 hrawng a rau i SAC Ralhrang ralkap lei in minung pa 1 a thi i hliamhma a tuarmi tampi an um, i dohnak lio i an mah hna nih an i kenmi hriamnam hna zong an lak khawh tiah theih asi.

Cubantuk thiam in tuchun suimilam 1:36 Minutes caan ah Phaayuusoe peng, Ngweykhuu kha le Thiipohsouh khua kiangkap ah ral lam sial in hmunhma khuarmi ralhrang phu cu KA,KNDF B/04, B/15 phu hna fonh in suimilam pa 2 hrawng an i do i ralhrang ralkap cu hliamtuar le thih dawh an si ko nain phu fonh mipi ralkap cu him tein hnu an tolh kho than.SAC Ralhrang hna cu an ing a puang i hriam ngan heh tiah an kah .Cun a tu caan zongah Deemawsooh-Phayouusoo lampi thluangthluan rallam sial in in nifatin ti awk te kahdohnak a chuak tiah KNDF thawngzamhnak in kan theih.

Be the first to comment

Leave a Reply

Your email address will not be published.


*