CNDF Nih Rifle An Sermi An Hlawh ​A Tling

CNDF Nih Rifle An Sermi An Hlawh ​A Tling! CNDF Brigade 1 tang battalion 3 nih caan saupi an sermi Rifle meithal cu hlawhtling tein kan ser khawh i, hman khawh a si cang tiah, an thanh. Hi meithal an sermi chung ah hin Sniper meithal zong hlawhtling tein an serchih khawh tiah, theih a si. Credit : The Chin Post

thawngpang dang relchap : N.Korea Nih Missile A Hneksak Hnu In US le S.Korea Raltuk Cawnnak An Ngei!

September 25, ah North Korea nih Missile hneksaknak a tuah hnu in, US le South Korea ralkap hna nih kumnga hnu ah a voikhatnak raltuk cawnnak cu Korea rili ah nihin september 26 ah tuah a thok tiah, theih a si.

US cu South Korea i a biapi bikmi a ram humhimnak ah a hawikom ram a si i, Nuclear hriamnam a ngeimi N.Korea kut in S.Korea a vengtu ding ah US nih S.Korea ah a ralkap 28500 a chiah hna.

S.Korea President hlun Moon Jae-in chan in N.Korea le S.Korea palai i pehtlaihnak cu caan saupi a cah hnu ah, US raltuk cawn tinak tam deuh kan tuah lai tiah, President thar Yoon Suk-yeol nih cun a chim.

North Korea tlerhkhonhnak cu lehrulhnak ah US le South korea ralkap hna cu raltuk cawn tinak kan ngeihnak hi a si tiah, S.Korea ralkap nih cun an thanh. South Korea chaklei rili ah tuahmi nili chung raltuk cawn tinak ahcun, raltuknak tilawng 20,Raltuknak vanlawng le submarine tilawng hna je cawnnak kan ngei tiah, an cathanh chung ah an langhter.