CDF Tonzang Nih Kawl Ralkap Le ZRA Kong Ah An Tuah Dingmi Fiang Taktak In An Vun Thanh!

October 4: Tuchun ah CDF Tonzang nih cathanh an chuah i, an chuahmi lak ah aa telmi cu  CDF Tonzang nih Tonzang peng cu nikhat hnu nikhat in kanmah le mipi hruatu hna he i bawm in kan kutttang ah kan chiah khawh thluahmah cang i Tonzang peng tthenhnih ah tthenkhat cu kan uk khawh cang.

Asinain Kawl ralkap le ZRApawl Tonzang peg ah an cawlcangh ruang ah Tonzang peng dihlak cu kan control kho rih lo. Hriannam le thazaang kan chap lai i CDF Tonzang nih Tonzang peng mipi hna he hmutkhat ah ttantti in Tonzang peng dihlak control kho ding in pehzulh in raldohnak kan tuah lai tiah an thanh.

CunTonzang peng ahhin a ummi phun min hna cu Zo Thadou Guite hi an si tiah theih a si. Saizang phun, Theizang phun Tedim phun le Hualngo phun hi tlawmpal tete an um ve tiah theih a si. Hi hna lak ah a tambik cu Zo phun hi an si tiah an langhter chap.